BULAWAYO —
Ku Woza Friday liviki silethulela ingxoxo eyenziwe yintathelizindaba yethu uJoseph Njanji lomculi osakhulayo ocula ingoma zohlobo lwe Afro Jazz uXolani Ndlovu yena owaziwa ngegama lomsebenzi elithi Exmile.
UXolani Ndlovu uzalelwe edolobheni leMutare ngomnyaka ka 1989 ngesikhathi uyise obekubutho lesizwe esebenzela kulelodolobho. Imfundo yakhe yesigaba sangaphansi uyiqalele khona eMutare kodwa uyiqedisele edolobheni lako Bulawayo esikolo se Mahlathini Primary wasesiya kwenza imfundo yaphezulu esikolo seLuveve High.
Lujaha osakhulayo ucula ingoma zohlobo lwe Afro Jazz njalo uthi uthando lwakhe lwezomculo luqalele enkonzweni.
Lumculi uthi uqale ukusebenza lo Joe Maseko owe House of Rising Sound ngesikhathi esenza imfundo yaphezulu eku Form 2 njalo useke wasebenza labanye abaculi abagoqela uWillis Wataffi kanye leqembu leDjembe Monks.
Okwamanje yena ukhiphe inzwisa yemisebenzi yakhe ecindezelwe ngohlobo lwedlalade elibizwa ngokuthi yi EP okumele ukuthi Extended Play elilezingoma ezintathu ezithi Woz’ ekhaya, Bangaxabani kumbe Click Song kanye lethiwa Lagos.
Igama lakhe elomsebenzi elokuthi Exmile uthi uliphiwe ngesikhathi esafunda esikolo seLuveve High.
Nyakenye umculi uphatheke kumncintiswano we Starbrite lapho aphutshe khona ekundawo yesithathu phakathi kwabantu abafika phose inkulungwane eziyisikhombisa.
Umganu wakhe lo othiwa "Bangaxabani" uwethule emphakathini ngenyanga kaMpandula njalo uthi ingoma zakhe ziqhunswa kuyo yonke imisakazo kwele Zimbabwe.
UXolani Ndlovu uzalelwe edolobheni leMutare ngomnyaka ka 1989 ngesikhathi uyise obekubutho lesizwe esebenzela kulelodolobho. Imfundo yakhe yesigaba sangaphansi uyiqalele khona eMutare kodwa uyiqedisele edolobheni lako Bulawayo esikolo se Mahlathini Primary wasesiya kwenza imfundo yaphezulu esikolo seLuveve High.
Lujaha osakhulayo ucula ingoma zohlobo lwe Afro Jazz njalo uthi uthando lwakhe lwezomculo luqalele enkonzweni.
Lumculi uthi uqale ukusebenza lo Joe Maseko owe House of Rising Sound ngesikhathi esenza imfundo yaphezulu eku Form 2 njalo useke wasebenza labanye abaculi abagoqela uWillis Wataffi kanye leqembu leDjembe Monks.
Okwamanje yena ukhiphe inzwisa yemisebenzi yakhe ecindezelwe ngohlobo lwedlalade elibizwa ngokuthi yi EP okumele ukuthi Extended Play elilezingoma ezintathu ezithi Woz’ ekhaya, Bangaxabani kumbe Click Song kanye lethiwa Lagos.
Igama lakhe elomsebenzi elokuthi Exmile uthi uliphiwe ngesikhathi esafunda esikolo seLuveve High.
Nyakenye umculi uphatheke kumncintiswano we Starbrite lapho aphutshe khona ekundawo yesithathu phakathi kwabantu abafika phose inkulungwane eziyisikhombisa.
Umganu wakhe lo othiwa "Bangaxabani" uwethule emphakathini ngenyanga kaMpandula njalo uthi ingoma zakhe ziqhunswa kuyo yonke imisakazo kwele Zimbabwe.
