JOHANNESBURG —
KuWoza Friday liviki uBenedict Nhlapho ulilethela umculo weRhumba ovela kuSifiso Khuphe ehamba leqembu lakhe le Mpumelelo Band. Linsizwa yaseTshingababili ePlumtree yethula idlalade layo lakuqala elithi “Bana Bangu/Aabantwabami”
Bekungu mnyaka ka 1978 ngesikhathi uSifiso Khuphe ethwetshulwa yingwe eTshingababili ePlumtree.
Ezomculo zona wahle wakhula lazo eziqala ekwayeni esikolo seTshingababili wacina esebumbe iqembu lakhe leMbube ngo 1996 walibiza Induku Yesizwe TJ Brothers.
EseseGolike wangena kwezaMagithali kwaze kwathi ngo 2012 wabumba elakhe iqembu le Mpumelelo Band.
Lonyakake sebethule idlalade labo lakuqala elithi “Bana bangu/Bantwabami. USifiso uthi, bayathokoza ngomculo wabo. Lelidlalade lilengoma eziyisithupha. Ikhona acule khona ngoyise umuyi uPhoto Photo athi wafa ngokufakelwa, besekusiba lale ethi “Mundihanganidze”, lapho athi uzicelela ukwamukelwa ngamadlozi akubo nxa esedlule emhlabeni.
Amalunga aleli qembu ayisikhombisa kukanti babengeze abagidayo nxa kulendingeko. USifiso ke uthi zonke indawo lapho asebenze khona amagigi bemukelwa ngenjabulo enkulu.
Akayedwake usifiso kuleli qembu. Yenake nguye obhale lokukhalela zonke ingoma ezikuleli dlalade. Isiginci esintantalaza phambili sibanjwe ngumhlekazi Lopitso. Umhlekazi ubuye aqumbaqumbe njalo ese rhythm, ngaleso sikhathi uPitso laye uyabe esegijimele kwesibhongayo. UTholloman Mox nguyeke osengungwini.
USifiso uthi kubalandeli bakhe, usehle wazipheka ingoma zedlalade lakhe elilandelayo azalethula ngomnyka ozayo, kukanti uthi yindlikizane yedlalade.
Bekungu mnyaka ka 1978 ngesikhathi uSifiso Khuphe ethwetshulwa yingwe eTshingababili ePlumtree.
Ezomculo zona wahle wakhula lazo eziqala ekwayeni esikolo seTshingababili wacina esebumbe iqembu lakhe leMbube ngo 1996 walibiza Induku Yesizwe TJ Brothers.
EseseGolike wangena kwezaMagithali kwaze kwathi ngo 2012 wabumba elakhe iqembu le Mpumelelo Band.
Lonyakake sebethule idlalade labo lakuqala elithi “Bana bangu/Bantwabami. USifiso uthi, bayathokoza ngomculo wabo. Lelidlalade lilengoma eziyisithupha. Ikhona acule khona ngoyise umuyi uPhoto Photo athi wafa ngokufakelwa, besekusiba lale ethi “Mundihanganidze”, lapho athi uzicelela ukwamukelwa ngamadlozi akubo nxa esedlule emhlabeni.
Amalunga aleli qembu ayisikhombisa kukanti babengeze abagidayo nxa kulendingeko. USifiso ke uthi zonke indawo lapho asebenze khona amagigi bemukelwa ngenjabulo enkulu.
Akayedwake usifiso kuleli qembu. Yenake nguye obhale lokukhalela zonke ingoma ezikuleli dlalade. Isiginci esintantalaza phambili sibanjwe ngumhlekazi Lopitso. Umhlekazi ubuye aqumbaqumbe njalo ese rhythm, ngaleso sikhathi uPitso laye uyabe esegijimele kwesibhongayo. UTholloman Mox nguyeke osengungwini.
USifiso uthi kubalandeli bakhe, usehle wazipheka ingoma zedlalade lakhe elilandelayo azalethula ngomnyka ozayo, kukanti uthi yindlikizane yedlalade.
