WASHINGTON DC —
Iqembu lenguqu elathatha inkezo ka2010 World Cup kwele South Africa, iSpain isiphumile emcintisweni walonyaka owe 2014 World Cup.
Spain ivele yehluleka ukudlala kuhle emdlalweni wayo wakuqala lapho inqikilana leNetherlands yadliwa 5 ka 1. Ngolwesithathu ithe isidlala leqembu leChile ngelanga lesikhombisa lomncintiswano lo wamazwe womhlaba ihle yatshwaywa 2 nya.
Lokhu sokusitsho ukuthi leli qembu selihle livalelisa liqonde ekhaya lilengise izandla okuyinto emangalise abanengi ngoba njengentshatshu zomnyaka ka2010 abantu bebekhangelele ukudlala kwaleli qembu okwezinga laphezulu.
Umcintinswano womdlalo wenguqu wamazwe womhlaba wenkezo ye 2014 World Cup uqhubekela phambili kwele Brazil.
Imidlalo ebikhona ngoLwesithathu ngelanga lesikhombisa lalumcintiswano kudlale amaqembu alandelayo. IAustralia inqikilane leNetherlands esibayeni sikaGroup B. INetherlands yahle yanqoba iAustralia nge 3-2. Ngemva kwalumdlalo esibayeni sinye kungene iSpain inqikilana leChile okulapho okuhle kwavalelisa iSpain. Esibayeni sikaGroup A kunqikilane iCameroon leCroatia.
Imidlalo yonke le iphuma kubomabonakude, ebulenjini beinternet kanye lakubomakhalekhukwhini.
EZimbabwe abalandeli bomdlalo wenguqu bagcwele endaweni ezehlukeneyo zokukwejisela abantu benatha bebukele imidlalo yenguqu eye World Cup kubomabonakude. Abanye njalo ngababukele ebulenjini beInternet kanye lakubomakhalekhukhwini abale Internet abizwa ngokuthi ngamaSmart Phones.
UChris Gande weStudio 7 uxoxe loEzra Sibanda ingcwethi ecubungula ezemidlalo laye okade ebukele limidlalo ekweinye indawo ekoBulawayo.
Spain ivele yehluleka ukudlala kuhle emdlalweni wayo wakuqala lapho inqikilana leNetherlands yadliwa 5 ka 1. Ngolwesithathu ithe isidlala leqembu leChile ngelanga lesikhombisa lomncintiswano lo wamazwe womhlaba ihle yatshwaywa 2 nya.
Lokhu sokusitsho ukuthi leli qembu selihle livalelisa liqonde ekhaya lilengise izandla okuyinto emangalise abanengi ngoba njengentshatshu zomnyaka ka2010 abantu bebekhangelele ukudlala kwaleli qembu okwezinga laphezulu.
Umcintinswano womdlalo wenguqu wamazwe womhlaba wenkezo ye 2014 World Cup uqhubekela phambili kwele Brazil.
Imidlalo ebikhona ngoLwesithathu ngelanga lesikhombisa lalumcintiswano kudlale amaqembu alandelayo. IAustralia inqikilane leNetherlands esibayeni sikaGroup B. INetherlands yahle yanqoba iAustralia nge 3-2. Ngemva kwalumdlalo esibayeni sinye kungene iSpain inqikilana leChile okulapho okuhle kwavalelisa iSpain. Esibayeni sikaGroup A kunqikilane iCameroon leCroatia.
Imidlalo yonke le iphuma kubomabonakude, ebulenjini beinternet kanye lakubomakhalekhukwhini.
EZimbabwe abalandeli bomdlalo wenguqu bagcwele endaweni ezehlukeneyo zokukwejisela abantu benatha bebukele imidlalo yenguqu eye World Cup kubomabonakude. Abanye njalo ngababukele ebulenjini beInternet kanye lakubomakhalekhukhwini abale Internet abizwa ngokuthi ngamaSmart Phones.
UChris Gande weStudio 7 uxoxe loEzra Sibanda ingcwethi ecubungula ezemidlalo laye okade ebukele limidlalo ekweinye indawo ekoBulawayo.
