Omunye wamalunga ekhomidhi ebona ngezokwethulwa kwemibiko, engummeli wesigaba seMabvuku - Tafara edale lephalamende, umunmzana James Maridadi ukhuthaza uhulumende ukuba aphange ukulungisiswa imithetho engumgoqo ekuthini uzulu athole ulwazi kalula.
Umnumzana Maridadi uveze lokhu ngesikhathi esethula umbiko wakhe phezu kwesimo sokutholiswa ulwazi oludingakalayo, oqoqwe ngabe Media Institute of Southern Africa ( MISA Zimbabwe ), ePandhari Lodge eHarare, lapho iziphathamandla ezivele kunhlangothi ezehlukeneyo zitshengise ukukhathazeka phezu kobunzima abahlangana labo lapho befuna ukuba baluthole.
Le ngebalisa owe Access to Information Protection of Privacy Act (AIPPA), Public Order Security Act ( POSA ) lowe Broadcasting Services Act (BSA), elethemba ukuba le kuzakuba yiyona ndela ezakwenza inkokheli kahulumende ibone ukuqakatheka kokuyilungisisa leyo mithetho engumgoqo kutsho uMaridhadhi.
"Ngesikhathi numongameli evula okusemthethweni idale lephalamende ngomnyaka ka 2010,wakubeka sobala ngaleso sikhathi ukuba imithetho okubalisa owe AIPPA lowe BSA kuzamele uguqulwe. Akwenzakalanga lokho,isiyisithupha iminyaka selokhu lokhu kwakhulunywayo.Ugatsha lwezokikhitshwa kwemibiko kanye lezokusakaza,kuyilo okumele lulethe i bill yakhona edale lephalamende,kodwa lokhe kungakenziwa lokho. Bathi bona ngaleso sikhathi bebengasoke benza lumsebenzi njengoba isisekelo sombuso esitsha besiphathi kokuba silotshwe,becatsha ngelokuthi kuyileyondlela ke ebizakwenza iguqulwe limithetho".
Unobhala wenhlanganiso yabahleli eye Zimbabwe Editors’ Forum, ZINEF, ngomunye wamalunga eboard asele sikhathi eside esebenzelana labeMISA ,umnumzana Njabulo Ncube uvumelana lalelinyathelo elifunwa ukuthathwa nguMaridhadhi.
"Sesitshelile,sizazama lathi njengabantu abe Misa ebesikhangele ukuthi imithetheo le yepulwe,enje ngeAIPPA.Sizamnika amaceboukuthi i motion yakhe ayihambise injani. Ngemva kwalokho engikutshoyo,sizabe sesihlanganisa ukuthi sibuye e phalamende sibanengi,sizomsapota ku motion le eqakatheke kakhulu".
Lanxa inengi likhala ngokuthi kunzima ukuthola lolo lwazi kakhulukazi kungatsha zikahulumende labomanisipala ilizwe lonke, olumele luphiwe uzulu, omunye weziphathamandla ezingene lumhlangano ovelele kumanisipala wakoBulawayo, unkosikazi Nosisa Mpofu, obona ngobudlelwano lozulu uthi basebenza kuhle lozulu, njalo zikhona indlela zokukhulumisana lokumtholisa lolo lwazi.
"Esikuthandayo futhi yikuthi izakhamizi labo,sebenanzelela ukuthi umlandu ukibo ukuthi bacelei information leyo kumbe ngesikhiwa ngithi bedemande i information leyo.Yibo okumele ukuthi babuye basikhuthaze sonke sikhathi ukuthi lokhu siyakufuna,lokhu asikuzwisisi,ukuze lathi sibaphe i information abayifunayo".
Kuvunyelenwe kulomhlangano ukuba kumele iziphathamandla zikahulumenende, zehlukane lomkhuba wokube lokho zifaka imigoqo, lapho uzulu lentathelizindaba bedinga ulwazi njengokumunyethwe yisisekelo sombuso esithi ngoba kulilungelo lomuntu wonke.
Lumhlangano owenziwe phansi kwendikimba ethi “ Access to Information in Zimbabwe: Right to know, Key to life”, ungenwe yiziphathamandla ezivele kunhlangothi ezitshiyeneyo okubalisa uhulumende, omanisipala kanye lenhlanganiso ezisebenza lozulu zizimele.
Kuphawulwe njalo ugwalo olumumethe impumela yenhlolisiso ethe yenziwa ngabe MISA Zimbabwe, nyakenye, phezu kwesimo kwezokwaneliswa kukazulu lenhlanganiso ukuthola ulwazi.
