Uhlangothi olubona ngezomvikela olweUnited Nations Security Council luthi abahlamuki abeM23, okuthiwa basekelwa ngeleRwanda lamanye amazwe, kumele beme ukuhlasela edolobheni leGoma lakwezinye indawo empumalanga yeDemocratic Republic of Congo.
Uhlangothi lolu olwethule umbiko lo namuhla luthi abantu abanengi okumangalisayo sebeswele ukuba bephephele ngaphi ngenxa yeM23, ehlasela ngamandla njalo esibulele abezomvikela abadabuka kweleSouth Africa, Malawi leUruguay abakumanyano olondoloza ukuthula kulelolizwe.
UMongameli William Ruto okhokhela umanyano weEast African Community laye uthi kubi kakhulu okwenzakala eDRC ngakho useqoqe umhlangano wokukhulumisana ngodaba lolu.
Ukuhlaziye loludaba, sixoxe loMnu. Thembelani Dube ingcwethi kwezombusazwe ezimeleyo othi udaba lolu luzalungiswa yikukhulumisana phakathi kwabalwayo labanye abaphakathi kwalo abagoqela abagoqela uMongameli Paul Kagame wakweleRwanda.
Forum