WASHINGTON DC —
Uzulu emhlabeni jikelele uqhubeka ekhalela imuli yeSouth Africa ngokubhubha kukaMnu Nelson Mandela ngoLwesine ntambama.
UMandela ubhubhele emzini wakhe eJohannesburg eseleminyaka engamatshumi ayisitshiyagalolunye lanhlanu, 95.
Umuyi waba ngumholi wakuqala weSouth Africa onsundu ngo1994 ngemva kokuhlala ejele okweminyaka engamatshumi amabili lasikhombisa, 27, evalelwe nguhulumende wabelungu owayencindezela abensundu.
Ekhuluma kumabonakude, uMongameli weleSouth Africa uMnu Jacob Zuma uhlele elangeSonto ukuthi libelilanga lomkhuleko uzulu walelilizwe ethandazela umuyi.
Uveze njalo ukuthi uMandela, yena owabusa phakathi kuka1994 lo1999, uzabekwa emzini wakhe eQunu mhlaka 15 kulinyanga.
UMandela udume emhlabeni wonke ngokumanyanisa abensundu labamhlophe lanxa abamhlophe babencindezela abensundu ngesikhathi sombuso wobandlululo (apartheid), bamvalela njalo entolongweni okweminyaka engu27.
UMongameli weleMelika uMnu Barack Obama ngomunye wabakhalele uMadiba esithi umhlaba wonke ulahlekelwe liqhawe lamaqhawe.
"Ngingomunye wezigidi zabantu ezathola inkuthazo enkulu ngempilo kuMandela. Angazi ukuthi impilo yami ibiyoba njani alubana ngingatholanga umzekeliso wempilo kaMandela," kutsho uObama.
Amabandla ezombusazwe eZimbabwe lawo athi aphatheke kubi ngokufa kukaMandela. Isikhulumeli seMDC ekhokhelwa nguMnu Welshman Ncube, uMnu Nhlanhla Dube uchaze umuyi njengeqhawe.
Amazwi kaDube agcizelelwe yisikhulumeli seZanu PF uMnu Rugare Gumbo lomsekeli wesikhulumeli seMDC-T uMnu Joel Gabuza.
Kunjalo-nje, izizalwane zeZimbabwe ezihlala kweleSouth Africa zithi imfa kaMandela izitshiye zilesithuli.
UMnu Bongani Nxumalo ohlala eJohannesburg utshele iStudio 7 ukuthi akulahlekelwanga abeSouth Africa kuphela kodwa amazwe wonke awezwekazi leAfrica lomhlaba jikelele.
Esinye njalo isizalwane seZimbabwe uMnu Gibson Ndethi uthi impilo kaMandela itshiyele abaphilayo isifundo esikhulu. Ufananise uMandela lomuyi uMnu Joshua Mqabuko Nkomo esithi ababili laba ngamaqhawe oqobo.
UMandela ubhubhele emzini wakhe eJohannesburg eseleminyaka engamatshumi ayisitshiyagalolunye lanhlanu, 95.
Umuyi waba ngumholi wakuqala weSouth Africa onsundu ngo1994 ngemva kokuhlala ejele okweminyaka engamatshumi amabili lasikhombisa, 27, evalelwe nguhulumende wabelungu owayencindezela abensundu.
Ekhuluma kumabonakude, uMongameli weleSouth Africa uMnu Jacob Zuma uhlele elangeSonto ukuthi libelilanga lomkhuleko uzulu walelilizwe ethandazela umuyi.
Uveze njalo ukuthi uMandela, yena owabusa phakathi kuka1994 lo1999, uzabekwa emzini wakhe eQunu mhlaka 15 kulinyanga.
UMandela udume emhlabeni wonke ngokumanyanisa abensundu labamhlophe lanxa abamhlophe babencindezela abensundu ngesikhathi sombuso wobandlululo (apartheid), bamvalela njalo entolongweni okweminyaka engu27.
UMongameli weleMelika uMnu Barack Obama ngomunye wabakhalele uMadiba esithi umhlaba wonke ulahlekelwe liqhawe lamaqhawe.
"Ngingomunye wezigidi zabantu ezathola inkuthazo enkulu ngempilo kuMandela. Angazi ukuthi impilo yami ibiyoba njani alubana ngingatholanga umzekeliso wempilo kaMandela," kutsho uObama.
Amabandla ezombusazwe eZimbabwe lawo athi aphatheke kubi ngokufa kukaMandela. Isikhulumeli seMDC ekhokhelwa nguMnu Welshman Ncube, uMnu Nhlanhla Dube uchaze umuyi njengeqhawe.
Amazwi kaDube agcizelelwe yisikhulumeli seZanu PF uMnu Rugare Gumbo lomsekeli wesikhulumeli seMDC-T uMnu Joel Gabuza.
Kunjalo-nje, izizalwane zeZimbabwe ezihlala kweleSouth Africa zithi imfa kaMandela izitshiye zilesithuli.
UMnu Bongani Nxumalo ohlala eJohannesburg utshele iStudio 7 ukuthi akulahlekelwanga abeSouth Africa kuphela kodwa amazwe wonke awezwekazi leAfrica lomhlaba jikelele.
Esinye njalo isizalwane seZimbabwe uMnu Gibson Ndethi uthi impilo kaMandela itshiyele abaphilayo isifundo esikhulu. Ufananise uMandela lomuyi uMnu Joshua Mqabuko Nkomo esithi ababili laba ngamaqhawe oqobo.