WASHINGTON DC —
Ummeli weMagwegwe edale lephalamende, elilunga leMDC-T uMnu Felix Magalela Mafa Sibanda uthi uzancintisa kukhetho oluzayo elilunga elizimeleyo.
UMafa uthi uthethe isinqumo lesi ngoba kube lokuqilibezela kukhetho lwama-primaries esigabeni sakhe, lapho ibandla leMDC-T elithi uMafa unqotshwe nguMnu Anele Ndebele.
Kodwa uMafa uyakulandula lokhu esithi nguye onqobileyo kwasokusiba lokuqilibezela ngoba iziphathamandla zebandla koBulawayo zingamfuni zisithi kayisuyemuntu weMatabeleland.
Kulandela ukhetho lweMagwegwe ngeviki edluleyo, iMDC-T yethule umbiko ngencwadi ye-email imemezela ukuthi uMnu Mafa nguye onqobileyo, osezamela lesosigaba njalo kukhetho oluzayo.
Kodwa lesosimemezelo siguqulwe kumalanga ambalwa edluleyo lelibandla selisithi uNdebele nguye onqobileyo.
UMafa uthi kakwamukeli lokhu, njalo uthi usezancintisa elilunga elizimeleyo kukhetho oluzayo edinga ukubuyela njalo edale lephalamende.
"Zulu kaNdaba, Ngwalongwalo kaMatshobana, ngithi iMDC ngiyayithanda, uTsvangirai ngiyamlandela, uMakhupe ngiyamlandela, bonke iStanding Committee, kodwa angisoze ngibuswe ngomafikizolo abazebulala iMDC," kutsho uMafa.
"Uzulu weMagwegwe ngizimele njenge-independent bazakuma lami okaMagalela baze bafe kumbe bayafa ngoba ubutshapha ababubone ngale buyayangisa, ngitsho leZanu PF ayikaze yenze izinto ezinjengalezo.
"Ngibuhlungu ukuthi ibandla labantu liyadilizwa amadoda lamadodakazi ekhangele nje, yikho mina ngithi hatshi, engavuka uMzilikazi kaMatshobana, engavuka uLobengula, engavuka uTshaka ekhulume labantu," kwengeze uMafa, ilizwi lakhe lidladlazela ngolaka.
Lithiye indlebe ngoLwesihlanu lizwe ihlandla lesibili lengxoxo yethu loMafa lapho akhuluma khona ngodaba lwenkethabetshabi athi isetshenziswa yiziphathamandla zebandla lakhe koBulawayo ukususa ezikhundleni bonke abanakanelwa ukuthi kabayisiwo maNdebele.
UMafa uthi uthethe isinqumo lesi ngoba kube lokuqilibezela kukhetho lwama-primaries esigabeni sakhe, lapho ibandla leMDC-T elithi uMafa unqotshwe nguMnu Anele Ndebele.
Kodwa uMafa uyakulandula lokhu esithi nguye onqobileyo kwasokusiba lokuqilibezela ngoba iziphathamandla zebandla koBulawayo zingamfuni zisithi kayisuyemuntu weMatabeleland.
Kulandela ukhetho lweMagwegwe ngeviki edluleyo, iMDC-T yethule umbiko ngencwadi ye-email imemezela ukuthi uMnu Mafa nguye onqobileyo, osezamela lesosigaba njalo kukhetho oluzayo.
Kodwa lesosimemezelo siguqulwe kumalanga ambalwa edluleyo lelibandla selisithi uNdebele nguye onqobileyo.
UMafa uthi kakwamukeli lokhu, njalo uthi usezancintisa elilunga elizimeleyo kukhetho oluzayo edinga ukubuyela njalo edale lephalamende.
"Zulu kaNdaba, Ngwalongwalo kaMatshobana, ngithi iMDC ngiyayithanda, uTsvangirai ngiyamlandela, uMakhupe ngiyamlandela, bonke iStanding Committee, kodwa angisoze ngibuswe ngomafikizolo abazebulala iMDC," kutsho uMafa.
"Uzulu weMagwegwe ngizimele njenge-independent bazakuma lami okaMagalela baze bafe kumbe bayafa ngoba ubutshapha ababubone ngale buyayangisa, ngitsho leZanu PF ayikaze yenze izinto ezinjengalezo.
"Ngibuhlungu ukuthi ibandla labantu liyadilizwa amadoda lamadodakazi ekhangele nje, yikho mina ngithi hatshi, engavuka uMzilikazi kaMatshobana, engavuka uLobengula, engavuka uTshaka ekhulume labantu," kwengeze uMafa, ilizwi lakhe lidladlazela ngolaka.
Lithiye indlebe ngoLwesihlanu lizwe ihlandla lesibili lengxoxo yethu loMafa lapho akhuluma khona ngodaba lwenkethabetshabi athi isetshenziswa yiziphathamandla zebandla lakhe koBulawayo ukususa ezikhundleni bonke abanakanelwa ukuthi kabayisiwo maNdebele.