BULAWAYO —
Uzulu wezansi lenhla kwelemaNdebeleni usesole ukumiswa umsebenzi kwenhlanganiso ye Joint Monitoring And Implementation Committee (JOMIC) esithi ukuvalwa kwayo sokubangele ukuthi abalandeli be Zanu PF baqale njalo ukwethusela kanye lokubandlulula abasekeli bamabandla aphikisayo, ikakhulu uma kuphiwa ukudla lenhlanyelo njengoba sekulungiselelwa ukulima kwalonyaka.
Inhlanganiso ye JOMIC ngenye yengatsha ezabunjwa ngaphansi kukahulumende owedlulayo womanyano ngenjongo yokuqinisa umsebenzi wokulondoloza ukuthula elizweni.
Lokhu yakwenza ngokuhambela uzulu lapho okuyabe kubikwe khona inhlupho ezinjengokuhlukuluzwa kwezombusazwe kanye lazo zonke indlela zokukhethana ngezombusazwe ifundisa uzulu ukuthi abantu bangatshiyana ngemibono kodwa lokho akutsho ukuthi sekumele babulalane ngenxa yalokho.
Eminyakeni edluleyo linhlanganiso ilamulele abanengi abantu abazithola bekhethwa, besethuselwa kanye lokubhidlizelwa impahla ngembango yombusazwe ngendlela eyenza ukuthi abantu bakhululeke njalo banelise ukuziveza ukuthi basekela waphi amabandla ngokugqoka impahla yakho bengesabi ukutshaywa.
Kodwa njengazo zonke inhlanganiso ezazibunjwele ukusekela uhulumende womanyano, i JOMIC iphetha umsebenzi wayo ngokusemthethweni ekupheleni kukaMfumfu ngesikhathi ilizwe selisezandleni ze Zanu PF esibusa yodwa kulandela ukunqoba ekwenze amacele e MDC lebandla le ZAPU kukhetho.
Ngomvulo i-JOMIC enhla kwemaNdebeleni yenze umdlalo wokuphawula ukuphethwa komsebenzi wayo e Half Way House eGwayi. Kodwa uzulu osemaphandleni oxoxe le Studio 7 uthi i JOMIC ivalwe ngesikhathi isidingeka kakhulu ngoba ibandla le Zanu PF selithethe ithuba lokubusa lodwa lavuselela ubandlululo ngezinga eliphezulu.
Umnumzana Jealous Sansole ubengomunye wenkokheli ze JOMIC enhla kwemaNdebeleni. Uchaza ukuthi kungani linhlanganiso isidingeka kakhulu khathesi kuleminyakeni edluleyo.
////act one///// uMnu Sansole/////////////
Isakhamuzi se Nkayi North umnumzana Thokozani Sileya uthi ukuvalwa kwe JOMIC kutshiya uzulu esemalahleni okubandlululwa lokwethuselwa.
///act two/// uMnu Sileya///////////////////
Umnumzana Sithole yena yisakhamuzi se Mbizha engaphansi kwe Jambezi e Victoria Falls. Uchaza ukuthi kungani isadingeka inhlanganiso ezavikela uzulu we Zimbabwe ukuze angabandlululwa.
///act three//// uMnu Sithole////////////////
Umsekeli we Zanu PF eNkayi umnumzana Jabulani Manqonda yena uthi i JOMIC ilungile ivalwe ngoba asisekho isidingo senhlanganiso enjalo njengoba ibandla lakhe selinqobe laqeda uhulumende womanyano.
Uthi labo abathi i Zanu PF iyakhetha ngabalandeli bamacele eMDC abaswele okungcono abangakutshela abantu njengoba banqotshwa kabuhlungu ekhethweni.
Uthi ibandla le Zanu PF alibandlululi muntu kibo eNkayi njalo uyathemba ukuthi uMongameli Robert Mugabe uzasigcina isithembiso sakhe sokusebenzela intuthuko kazulu wonke weZimbabwe kungakhathalekile ukuthi usekela liphi ibandla kwezombusazwe.
Inhlanganiso ye JOMIC ngenye yengatsha ezabunjwa ngaphansi kukahulumende owedlulayo womanyano ngenjongo yokuqinisa umsebenzi wokulondoloza ukuthula elizweni.
Lokhu yakwenza ngokuhambela uzulu lapho okuyabe kubikwe khona inhlupho ezinjengokuhlukuluzwa kwezombusazwe kanye lazo zonke indlela zokukhethana ngezombusazwe ifundisa uzulu ukuthi abantu bangatshiyana ngemibono kodwa lokho akutsho ukuthi sekumele babulalane ngenxa yalokho.
Eminyakeni edluleyo linhlanganiso ilamulele abanengi abantu abazithola bekhethwa, besethuselwa kanye lokubhidlizelwa impahla ngembango yombusazwe ngendlela eyenza ukuthi abantu bakhululeke njalo banelise ukuziveza ukuthi basekela waphi amabandla ngokugqoka impahla yakho bengesabi ukutshaywa.
Kodwa njengazo zonke inhlanganiso ezazibunjwele ukusekela uhulumende womanyano, i JOMIC iphetha umsebenzi wayo ngokusemthethweni ekupheleni kukaMfumfu ngesikhathi ilizwe selisezandleni ze Zanu PF esibusa yodwa kulandela ukunqoba ekwenze amacele e MDC lebandla le ZAPU kukhetho.
Ngomvulo i-JOMIC enhla kwemaNdebeleni yenze umdlalo wokuphawula ukuphethwa komsebenzi wayo e Half Way House eGwayi. Kodwa uzulu osemaphandleni oxoxe le Studio 7 uthi i JOMIC ivalwe ngesikhathi isidingeka kakhulu ngoba ibandla le Zanu PF selithethe ithuba lokubusa lodwa lavuselela ubandlululo ngezinga eliphezulu.
Umnumzana Jealous Sansole ubengomunye wenkokheli ze JOMIC enhla kwemaNdebeleni. Uchaza ukuthi kungani linhlanganiso isidingeka kakhulu khathesi kuleminyakeni edluleyo.
////act one///// uMnu Sansole/////////////
Isakhamuzi se Nkayi North umnumzana Thokozani Sileya uthi ukuvalwa kwe JOMIC kutshiya uzulu esemalahleni okubandlululwa lokwethuselwa.
///act two/// uMnu Sileya///////////////////
Umnumzana Sithole yena yisakhamuzi se Mbizha engaphansi kwe Jambezi e Victoria Falls. Uchaza ukuthi kungani isadingeka inhlanganiso ezavikela uzulu we Zimbabwe ukuze angabandlululwa.
///act three//// uMnu Sithole////////////////
Umsekeli we Zanu PF eNkayi umnumzana Jabulani Manqonda yena uthi i JOMIC ilungile ivalwe ngoba asisekho isidingo senhlanganiso enjalo njengoba ibandla lakhe selinqobe laqeda uhulumende womanyano.
Uthi labo abathi i Zanu PF iyakhetha ngabalandeli bamacele eMDC abaswele okungcono abangakutshela abantu njengoba banqotshwa kabuhlungu ekhethweni.
Uthi ibandla le Zanu PF alibandlululi muntu kibo eNkayi njalo uyathemba ukuthi uMongameli Robert Mugabe uzasigcina isithembiso sakhe sokusebenzela intuthuko kazulu wonke weZimbabwe kungakhathalekile ukuthi usekela liphi ibandla kwezombusazwe.