Ukutshengisela okuqoqwe ngenjongo yokubamba ngamandla uMongameli Robert Mugabe ukuthi asuke esihlalweni lungene kulanga lesihlanu ngoLwesihlanu, eHarare e Africa Unity Square kulabantu abedlula kancane ihlekana kade litshona lithe gwaqa kunsukwana ezedluleyo.
Ukutshengisela lokhu kukhokhelwa nguMnu. Itai Dzamara, umhleli wephephandaba le News Leader, ose ugwalo lwezikhalazo emahofisini kaMugabe ngeviki edluleyo. UDzamara uke wabotshwa ngamapholisa ngemva kokwethula lolugwalo.
NgoLwesihlanu kubikwa bekulamapholisa amalutshwana kakhulu okubangele ukuthi inani labantu abaphatheke ekutshengiseleni lokhu liqonge kancane.
Ugwalo lwezikhalazo zikaDzamara luthi kumele uMugabe asuke esihlalweni masinya nje besekubunjwa uhulumende womanyano ozaqhuba ukhetho olukhululekileyo ngoba esehlulekile ukufeza izithembiso zakhe azenza phambilini kokhetho.
UDzamara uthi ukutshengisela lokhu kuya kuthola usekelo kubantu ababalisa enye inkokheli yebandla le MDC-T njalo wengeze ethi bakhangelele ukuba lokukutshengisela kuzasekelwa ngabanengi ngoMvulo lapho okuzaqhubekela phambili. Ingcwethi kwezomnotho welizwe, uMnu. Masimba Kuchera utshele uChris Gande weStudio Seven ukuthi uzulu weZimbabwe kafuni okokutshengisela lanxa ephakathi kodubo.
