WASHINGTON DC —
Liviki kuhlelo "Liphuma Lendaba Litshona Lendaba" sixoxa loMnu. Anglistone Sibanda usibalukhulu wenhlanganiso ye Bulawayo Progressive Residents' Association ngodaba lokutshengisela okuqoqwa yinhlanganiso ezitshiyeneyo ngodaba lwamanzi.
UManisipala uthi ufuna ukuthi kusetshenziswe amamitha okuthi abantu bayaqala babhadalele amanzi bengakawasebenzisi. Kodwa lokhu kucunule abanengi abathi kabasoze benelise ukuthenga amanzi la bengakawasebenzisi.
USibanda uthi kabathi abantu bengabhadaleli amanzi kodwa abakufunayo yikuthi kungenziwa loluhlelo ngoba abanye bengahlala bengelamanzi kulandela ukuxotshwa imisebenzi.
