WASHINGTON —
Amagqwetha amela amalunga amathathu enhlanganiso ye Mthwakazi Liberation Front ayetheswa icala lokuzama ukugenqula umbuso kamongameli Robert Mugabe akhangelelwe ukumiswa phambi komthethwandaba ophezulu ngoLwesibili oluzayo, lapho okuzanqunywa ukuthi udaba lwabo lulahlelwe khatshana kumbe luyaqhubeka luthethwa.
Abathathu laba, ngoMnu. Paul Siwela, John Gazi, lo Thomas Gumbo ababotshwa ngomnyaka ka 2011 besabela abantu amaphetshana abikwa ayelotshwe amagama angabangela udlakela.
Amagqwetha ayemelele umahluli uJustice Nicholas Ndou owatshiya umsebenzi ukuthi athole isikhathi sokuqedisa loludaba.
UMnu. Lucas Nkomo, igqwetha elibamelayo utshele iStudio 7 ukuthi lokhu kulandela isicelo abasikhweza emthethwandaba ophezulu esokuthi abathathu laba bekhululwe bengathonisiswanga ngoba kungelabufakazi obeneleyo obukhomba ukuthi badala icala.
Kusenjalo, izakhamizi zakoBulawayo ezingamatshumi amabili lantathu ezatshengisela ekuqaliseni komnyaka zisola inkampani ye ZESA ngokuqhatsha abantu abangamakhulu amathathu ababikwa bengaveli ezigabeni zeMatabeleland lakoBulawayo zikhangelelwe ukumiswa phambi komthethwandaba ofanayo ngoMvulo ozayo.
Izakhamizi lezi ngezivela eMganwini, eNketha, eKhumalo, kanye lamalunga enhlanganiso yeMthwakazi Leaders Joint Resolution. Amapholisa athi bephula umthetho we Public Order and Security Act betshengisela.
Abathathu laba, ngoMnu. Paul Siwela, John Gazi, lo Thomas Gumbo ababotshwa ngomnyaka ka 2011 besabela abantu amaphetshana abikwa ayelotshwe amagama angabangela udlakela.
Amagqwetha ayemelele umahluli uJustice Nicholas Ndou owatshiya umsebenzi ukuthi athole isikhathi sokuqedisa loludaba.
UMnu. Lucas Nkomo, igqwetha elibamelayo utshele iStudio 7 ukuthi lokhu kulandela isicelo abasikhweza emthethwandaba ophezulu esokuthi abathathu laba bekhululwe bengathonisiswanga ngoba kungelabufakazi obeneleyo obukhomba ukuthi badala icala.
Kusenjalo, izakhamizi zakoBulawayo ezingamatshumi amabili lantathu ezatshengisela ekuqaliseni komnyaka zisola inkampani ye ZESA ngokuqhatsha abantu abangamakhulu amathathu ababikwa bengaveli ezigabeni zeMatabeleland lakoBulawayo zikhangelelwe ukumiswa phambi komthethwandaba ofanayo ngoMvulo ozayo.
Izakhamizi lezi ngezivela eMganwini, eNketha, eKhumalo, kanye lamalunga enhlanganiso yeMthwakazi Leaders Joint Resolution. Amapholisa athi bephula umthetho we Public Order and Security Act betshengisela.