Ukusilela kwamafutha ezimota kuqhubekela phambili njalo abathengisa imali emigwaqweni ngokungekho emthethweni, abakade sebenyamalele ngemva kokubuthwa ngamapholisa sebephendukile. Lokhu sokuhlangene lendwendwe zabantu abadinga imali emabhanga lapho abaphiwa imali yamatshe engaphansi kwekhulu ngeviki, ngesikhathi sokusele insuku ezimbalwa ukuthi ilanga lekhisimusi lifike.
UMnu. Mandla Tshuma isakhamuzi sakoBulawayo usola kakhulu ukuba imali itholakala emikambo yensitha ngoba emabhanga ingekho. UNkosikazi Sanelisiwe Hadebe ukhala ngokukhuphuka kwentengo yempahla ezitolo. UMnu. Lovemore Moyo othengisa amaluba koBulawayo uthi ibhizimusi idonsa nzima ngalezi insuku.
UMnu. Melusi Moyo, isiphathamandla esibona ngokuqhutshwa kwamabhizimusi kunhlanganiso yeBulawayo Progressive Residents Association ugcizelela loludaba.