BULAWAYO —
Ukhetho lwabasesipholiseni labakubutho olweSpecial Voting lungene kusuku lwesibili ngoMvulo kulabanengi bekhonona ukuthi badibane lenkinga ezinengi ezigoqela ukuphuza kokufika kwamabhokisi lamaphepha okuvota.
Abe Zimbabwe Electoral Commission babikwa behlulekile ukuthumela ngesikhathi amaphepha lakho konke obe kumele kusetshenziswe kukhetho lolu. Inkulungwane lenkulungwane bale lungelo lokuvota kukhetho lolu njengoba ngesikhathi sokhetho bazabe bengekho endaweni abahlala kizo besebenza.
EMazowe, amaphepha okuvota aphelile abantu abanengi bengakavoti. Kuthi eMasvingo ukuvota kuze kwaqalisa emini enkulu ngoba amabhokisi lamapepa konke kuphuzile ukufika. ngenSonto eMasvingo ukhetho lubikwa lungaqutshwanga ngenxa yalolu hlupho.
EHarare, amapepa okuvota lawo kade emalutshwana okubangele abanengi ukuthi bahlale kudwendwe okwesikhathi eside bewamelele.
Imbiko evele eLupane esigabeni se Matabeleland North iveza ukuthi inengi labavoti licine liphindela emakhaya lingavatanga selidelile njengoba amapepa okuvota abe lokhe engakafiki emini yantambama.
KoBulawayo inhlanganiso ezizimeleyo kanye lezakhamizi ziveze ukunqineka ukuthi ikhomisini eye Zimbabwe Electoral Commission izakwanelisa na ukuphatha ukhetho mhlaka 31 Ntulikazi kulandela ingxabangxoza ebekhona kukhetho lolu lwe Special Voting oluphele ngoMvulo kulelo dholobho.
Ukunqineka lokhu kuza ngemva kokuba ukuvota obekumele kuqale ngeSonto ekuseni kucine kuqala ntambama endaweni ezine zokuvotela koBulawayo, i City hall, i Magwegwe Secondary, i Nketa Hall le eMakhandeni Hall, kulandela ukuswelakala kwamaphepha okuvota kanye lamabhokisi okuvotela.
Phezu kwalokhu bekulokuphikisana phakathi kwamabandla ezombusazwe esithi inani labakubutho lasesipholiseni elilethwe yi ZEC aliqondanga ngoba liphezulu kakhulu kulalelo elikungatsha zikahulumende ezikhangele ukubhadalwa kwezisebenzi lezi.
Ukhetho lolu lwe Special Voting belukhangelelwe ukuvotisa izisebenzi zikahulumende eziyabe zisemsebenzini ngelanga kuvota uzulu mhlaka 31 Ntulikazi.
Amavoti la akhangelelwe ukugcinwa evalelwe emabhokisini awo aze ayevulwa esebalwa kanye lalawo akazulu wonke oyavota ekupheleni kwenyanga.
Abe Zimbabwe Electoral Commission babikwa behlulekile ukuthumela ngesikhathi amaphepha lakho konke obe kumele kusetshenziswe kukhetho lolu. Inkulungwane lenkulungwane bale lungelo lokuvota kukhetho lolu njengoba ngesikhathi sokhetho bazabe bengekho endaweni abahlala kizo besebenza.
EMazowe, amaphepha okuvota aphelile abantu abanengi bengakavoti. Kuthi eMasvingo ukuvota kuze kwaqalisa emini enkulu ngoba amabhokisi lamapepa konke kuphuzile ukufika. ngenSonto eMasvingo ukhetho lubikwa lungaqutshwanga ngenxa yalolu hlupho.
EHarare, amapepa okuvota lawo kade emalutshwana okubangele abanengi ukuthi bahlale kudwendwe okwesikhathi eside bewamelele.
Imbiko evele eLupane esigabeni se Matabeleland North iveza ukuthi inengi labavoti licine liphindela emakhaya lingavatanga selidelile njengoba amapepa okuvota abe lokhe engakafiki emini yantambama.
KoBulawayo inhlanganiso ezizimeleyo kanye lezakhamizi ziveze ukunqineka ukuthi ikhomisini eye Zimbabwe Electoral Commission izakwanelisa na ukuphatha ukhetho mhlaka 31 Ntulikazi kulandela ingxabangxoza ebekhona kukhetho lolu lwe Special Voting oluphele ngoMvulo kulelo dholobho.
Ukunqineka lokhu kuza ngemva kokuba ukuvota obekumele kuqale ngeSonto ekuseni kucine kuqala ntambama endaweni ezine zokuvotela koBulawayo, i City hall, i Magwegwe Secondary, i Nketa Hall le eMakhandeni Hall, kulandela ukuswelakala kwamaphepha okuvota kanye lamabhokisi okuvotela.
Phezu kwalokhu bekulokuphikisana phakathi kwamabandla ezombusazwe esithi inani labakubutho lasesipholiseni elilethwe yi ZEC aliqondanga ngoba liphezulu kakhulu kulalelo elikungatsha zikahulumende ezikhangele ukubhadalwa kwezisebenzi lezi.
Ukhetho lolu lwe Special Voting belukhangelelwe ukuvotisa izisebenzi zikahulumende eziyabe zisemsebenzini ngelanga kuvota uzulu mhlaka 31 Ntulikazi.
Amavoti la akhangelelwe ukugcinwa evalelwe emabhokisini awo aze ayevulwa esebalwa kanye lalawo akazulu wonke oyavota ekupheleni kwenyanga.
