Ukunyakazela Kwezimota Zamasotsha eHarare Kuvusa Iminakano Yokugenqulwa Kombuso KaMugabe

Abahlali beHarare batshone bekhuza umhlola ngoLwesithathu ngezimota zamabutho ebezinyakazela ezitaladeni, okuyinto eyabonakala ngesikhathi kugenqulwa umuyi uMnu Robert Mugabe embusweni libutho ngomnyaka ka2017.

Isehlakalo lesi siza ngesikhathi kulokufuthelana okukhulu kubandla leZanu PF phakathi kwalabo abafuna uMongameli Emmerson Mnangagwa eqhelise umbuso wakhe lalabo abathi kumele adedele umsekeli wakhe uMnu Constantino Chiwenga.

Umsekeli wesikhulumeli sebutho uLieutenant Colonel Tichafa Mungofa utshele iStudio 7 ukuthi amabutho ebevivinya izimota zawo ukuze ebone ukuthi ziqinile na lokuthi zilungele ukwenza umsebenzi.

UMnangagwa utshele abahleli bezindaba ngoMvulo ukuthi uzakwehla embusweni isikhathi sakhe singafika ngo2028.

Isiphathamandla senhlanganiso yabahlali beHarare, iHarare Residents Trust uMnu Albert Mazula utshele lumsakazo ukuthi abantu abanengi abaphathekanga kuhle.

Wengeze wathi esikhathini esizayo kumele ibutho lazise umphakathi phambilini nxa lilohlelo olufanayo.

Embed share

Ingxoxo loMnu Albert Mazula

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:01 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Ingcwethi kwezombusazwe efundisa eWits University kweleSouth Africa uDr Jethro Mpofu uthi kukhona okutshaya amanzi.

Embed share

Ingxoxo loDr. Jethro Mpofu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:17 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala