UMongameli Mugabe ukhuthaza uzulu we Zimbabwe ukuba amanyane kungenani lokutshiyana kwembono okugoqela kwezombusazwe. UMugabe ubekhuluma embuthanweni wokungcwaba u Dokotela Stanislous Gorerezva Mudenge ophiwe inhlonipho yeqhawe lesizwe emathuneni eNational Heroes Acre eHarare ngoMvulo.
UMugabe uthe udlakela alufunakali ethi ilizwe selizangena kukhetho ngakhoke akusamelanga ukuba abantu behlukuluzane.
Ele Zimbabwe livame ukudibana lodlakela ngezikhathi zokhetho njalo libone kusifa abantu abanengi ikakhulu ngesikhathi sokhetho luka 2008 lokudinga uMongameli. Ele Zimbabwe likhangelela ukungena kolunye njalo ukhetho ngomnyaka ozayo.
UMugabe uncome umuyi ngokusebenza kanzima ekuhulumende. Wazise ukuba uhulumende kaMnu Jimmy Carter weMelika waphathisa ukuhlawulela amapulazi esebenzelana lohulumende wele Bhilitani kodwa lokhu kwamiswa kulandela ukunqotswa kwakhe nguMongameli Ronald Reagan ethi ele Zimbabwe lisekelana lama khomanisi kwacina kubangela ukuba ilizwe lithathe ama pulazi lingawahlauleli.
U Dokotela Mudenge owayengumphathintambo wezemfundo yaphezulu ubhubhele ehoteleni ye Great Zimbabwe eMasvingo ngoLwesine olwedluleyi mhlaka 4 yonale inyanga kaMfumfu umuyi wayeyincitshi kwezembali yelizwe njalo eke wasebenza njengomphathintambo wezenzakala ngaphandle kwelizwe lokuba ngumeli welizwe enhlanganisweni yomanyano wamazwe womhlaba eye United Nations. Utshiye uNkosikazi labantwana abathathu.
Ke sizwe loludaba silethulelwa nguMark Peter Nthambe.
Kunjalo nje, icele leMDC elikhokhelwa ngumnu. Morgan Tsvangirai lithi livumelana lenhlonipho yeqhawe lesizwe ephiwe umuyi, uMnu. Mudenge.
Umsekeli wesikhulumeli salelibandla, uMnu. Joel Gabhuza utshele iStudio 7 ukuthi babone kufanele ukuthi amalunga abo afuna ukuya emngcwabeni kamudenge bahambe bekhululekile.
Kodwa ingcwethi ecubungula ngezombusazwe, uMnu. George Mkhwananzi utshele iStudio 7 ukuthi kumele kugulwe indlela okukhethwa ngayo amaqhawe esizwe.
UMugabe uthe udlakela alufunakali ethi ilizwe selizangena kukhetho ngakhoke akusamelanga ukuba abantu behlukuluzane.
Ele Zimbabwe livame ukudibana lodlakela ngezikhathi zokhetho njalo libone kusifa abantu abanengi ikakhulu ngesikhathi sokhetho luka 2008 lokudinga uMongameli. Ele Zimbabwe likhangelela ukungena kolunye njalo ukhetho ngomnyaka ozayo.
UMugabe uncome umuyi ngokusebenza kanzima ekuhulumende. Wazise ukuba uhulumende kaMnu Jimmy Carter weMelika waphathisa ukuhlawulela amapulazi esebenzelana lohulumende wele Bhilitani kodwa lokhu kwamiswa kulandela ukunqotswa kwakhe nguMongameli Ronald Reagan ethi ele Zimbabwe lisekelana lama khomanisi kwacina kubangela ukuba ilizwe lithathe ama pulazi lingawahlauleli.
U Dokotela Mudenge owayengumphathintambo wezemfundo yaphezulu ubhubhele ehoteleni ye Great Zimbabwe eMasvingo ngoLwesine olwedluleyi mhlaka 4 yonale inyanga kaMfumfu umuyi wayeyincitshi kwezembali yelizwe njalo eke wasebenza njengomphathintambo wezenzakala ngaphandle kwelizwe lokuba ngumeli welizwe enhlanganisweni yomanyano wamazwe womhlaba eye United Nations. Utshiye uNkosikazi labantwana abathathu.
Ke sizwe loludaba silethulelwa nguMark Peter Nthambe.
Kunjalo nje, icele leMDC elikhokhelwa ngumnu. Morgan Tsvangirai lithi livumelana lenhlonipho yeqhawe lesizwe ephiwe umuyi, uMnu. Mudenge.
Umsekeli wesikhulumeli salelibandla, uMnu. Joel Gabhuza utshele iStudio 7 ukuthi babone kufanele ukuthi amalunga abo afuna ukuya emngcwabeni kamudenge bahambe bekhululekile.
Kodwa ingcwethi ecubungula ngezombusazwe, uMnu. George Mkhwananzi utshele iStudio 7 ukuthi kumele kugulwe indlela okukhethwa ngayo amaqhawe esizwe.