WASHINGTON DC —
Kuqhamuka ukufuthelana phakathi kweleZimbabwe lele South kulandela ukudutshulwa kwesiphathamandla sesigodlo seZimbabwe kwele South Africa lipholisa.
Lanxa amapholisa leziphathamandla zikahulumende wakwele South Africa beyalile ukukhuluma ngaloludaba omunye owazi okwenzakalayo utshele iStudio 7 ukuthi isigodlo seZimbabwe silobele uhulumende wakwele South Africa incwadi etshengisa ukusola okukhulu kwesehlakalo lesi.
Umuyi, uMnumzana Lucky Hakueri, ubikwa ubesemoteni yakhe lomngane wakhe bemelele omunye umngane wabo balandwa lipholisa ebeligqoke impahla zabantu makhaza ephethe isibhamu.
Bathe bezama ukubaleka imota yatshayelela ipholisa leli lahle labatshaya ngenhlamvu ezimbalwa kwafa u Hakueri umngane wakhe wasinda kodwa elimele okwesabekayo. Umngane ka hakueri kaqanjwanga ngegama kodwa ubikwa esesibhedlela lapho alindwe khona ngamapholisa.
Lesi sehlakalalo senzakala uhulumende wakwele South Africa ephakathi kwemizamo yokuphathisa uhulumende weZimbawe ukuthi avuselele inotho yelizwe.
Ngeviki edluleyo iqula labosomabhizimusi akwele South Africa beliseZimbabwe ukuzophathisa ukuvuselela amankamampani awavalwayo.
Ingcwethi ecubungula ezombusazwe, uMnu. Zenzo Nkomo, utshele uChris Gande weStudio 7 ukuthi uhulumende wakwele south africa uzenza imizamo yonke yokulungisisa loludaba.
Lanxa amapholisa leziphathamandla zikahulumende wakwele South Africa beyalile ukukhuluma ngaloludaba omunye owazi okwenzakalayo utshele iStudio 7 ukuthi isigodlo seZimbabwe silobele uhulumende wakwele South Africa incwadi etshengisa ukusola okukhulu kwesehlakalo lesi.
Umuyi, uMnumzana Lucky Hakueri, ubikwa ubesemoteni yakhe lomngane wakhe bemelele omunye umngane wabo balandwa lipholisa ebeligqoke impahla zabantu makhaza ephethe isibhamu.
Bathe bezama ukubaleka imota yatshayelela ipholisa leli lahle labatshaya ngenhlamvu ezimbalwa kwafa u Hakueri umngane wakhe wasinda kodwa elimele okwesabekayo. Umngane ka hakueri kaqanjwanga ngegama kodwa ubikwa esesibhedlela lapho alindwe khona ngamapholisa.
Lesi sehlakalalo senzakala uhulumende wakwele South Africa ephakathi kwemizamo yokuphathisa uhulumende weZimbawe ukuthi avuselele inotho yelizwe.
Ngeviki edluleyo iqula labosomabhizimusi akwele South Africa beliseZimbabwe ukuzophathisa ukuvuselela amankamampani awavalwayo.
Ingcwethi ecubungula ezombusazwe, uMnu. Zenzo Nkomo, utshele uChris Gande weStudio 7 ukuthi uhulumende wakwele south africa uzenza imizamo yonke yokulungisisa loludaba.
