WASHINGTON —
Ikhomithi esanda kukhethwa ukuthi ihlolisise ukulotshwa kwesisekelo sombuso esitsha ihlangane eHarare ngolweSibili lapho ehlolisise ugwalo lwe Report ye All Stakeholders’ Conference ukuze ilungisise okusilelayo.
Amalunga ekhomithi le ngabaphathintambo abathathu abayiziphathamandla zamabandla ezombusazwe, abagcinisihlalo beCOPAC, kanye lomphathintambo wogatsha olubona ngokulotshwa kutsha kwesisekelo sombuso uMnu. Eric Matinenga onguye okhokhela likhomithi.
Lanxa kubikwa kulokungavumelani ngokulungisisa okusaseleyo, okugoqela uzibuse wezabelo iDevolution, lokunye, uMatinenga uthi lokhu kujwayelekile nxa amabandla ezombusazwe esebenza ndawonye njalo kusobala ukuthi bazavumelana ekucineni.
Ikhomithi le ikhangelelwe ukuqedisa lumsebenzi ngoLwesine ibisiqhubela ugwalo lolu inhloko zikahulumende womanyano okuyizo ezizaludlulisela ephalamende.
UMnu. Alois Dzvairo, umgcinisihlalo wabatsha kunhlanganiso ye National Constitutional Assembly utshele uSithandekile Mhlanga weStudio 7 ukuthi inhlanganiso yakhe ilokhu igcizelela ukuthi ugwalo lwesisekelo sombuso esitsha oluzaqoqwa alusoze luncede abantu makhaza kodwa iziphathamandla zamabandla ezombusazwe okuyizo ezilulobayo.
Amalunga ekhomithi le ngabaphathintambo abathathu abayiziphathamandla zamabandla ezombusazwe, abagcinisihlalo beCOPAC, kanye lomphathintambo wogatsha olubona ngokulotshwa kutsha kwesisekelo sombuso uMnu. Eric Matinenga onguye okhokhela likhomithi.
Lanxa kubikwa kulokungavumelani ngokulungisisa okusaseleyo, okugoqela uzibuse wezabelo iDevolution, lokunye, uMatinenga uthi lokhu kujwayelekile nxa amabandla ezombusazwe esebenza ndawonye njalo kusobala ukuthi bazavumelana ekucineni.
Ikhomithi le ikhangelelwe ukuqedisa lumsebenzi ngoLwesine ibisiqhubela ugwalo lolu inhloko zikahulumende womanyano okuyizo ezizaludlulisela ephalamende.
UMnu. Alois Dzvairo, umgcinisihlalo wabatsha kunhlanganiso ye National Constitutional Assembly utshele uSithandekile Mhlanga weStudio 7 ukuthi inhlanganiso yakhe ilokhu igcizelela ukuthi ugwalo lwesisekelo sombuso esitsha oluzaqoqwa alusoze luncede abantu makhaza kodwa iziphathamandla zamabandla ezombusazwe okuyizo ezilulobayo.
