BULAWAYO —
Uzulu osemaphandleni ezansi lenhla kweMandebeleni uthi lanxa uhlangothi lwe Joint Monitoring and Implementation Committee i JOMIC lusebenze nzima lufundisa uzulu amalungelo akhe empilo lezombusazwe kusukela ngoZibandlela, umnyaka ka 2012 ugqitshwa luqonga udubo lokuhlukuluzwa lokubandlululwa kwabangasekeli iZANU PF lengatsha zikahulumende ezilisekela lelo bandla.
Phakathi kwazo zonke ingatsha ezabunjelwa ukusekela uhulumende womanyano, ugatsha lweJomic yilo oselusabalale lwabonakala ilizwe luhlangana lozulu kufundiswana ngamalungelo lemfanelo zakhe. Lolugatsha selube ngumlamlankunzi njalo kumibango lengxabano ezenzakala phakathi kwamabandla omathathu akuhulumende.
Ugqitshwa nje lumnyaka abeJomic sebenelisa ukulubhoda inhla lezansi yeMandebeleni befundisa ngamalungelo amanengi ngenjongo yokuqeda ukulwisana kanye lokukhethana ngamabandla ezombusazwe uma kutholakale usizo oluvela kuhulumende.
Kubika intathelizindaba yeStudio 7 uThabang Mathebula osethulela lolu daba ekoBulawayo.
Phakathi kwazo zonke ingatsha ezabunjelwa ukusekela uhulumende womanyano, ugatsha lweJomic yilo oselusabalale lwabonakala ilizwe luhlangana lozulu kufundiswana ngamalungelo lemfanelo zakhe. Lolugatsha selube ngumlamlankunzi njalo kumibango lengxabano ezenzakala phakathi kwamabandla omathathu akuhulumende.
Ugqitshwa nje lumnyaka abeJomic sebenelisa ukulubhoda inhla lezansi yeMandebeleni befundisa ngamalungelo amanengi ngenjongo yokuqeda ukulwisana kanye lokukhethana ngamabandla ezombusazwe uma kutholakale usizo oluvela kuhulumende.
Kubika intathelizindaba yeStudio 7 uThabang Mathebula osethulela lolu daba ekoBulawayo.
