FILABUSI —
Omunye ukhondakitha wesilisa wenkampani yamabhasi aya e-Filabusi usehlawuliswe ikhulu lamatshumi amahlanu amadollar-$150 ngemva kokuvuma icala lokudiliza impahla mahlayana kulandela ukubotshwa kwakhe ngoba edabule ikepesi yomunye umsekeli weZanu PF owayengmunye wababesebhasini.
Izincwadi zomthethwandaba ezitholwe yi Studio 7 ziveza ukuba uMnumzana Bothile Masango, ongukhondakitha wenkampani yamabhasi ye Bafana Bus Services, ubotshwe sekusele insukwana ukuthi kufike ukhetho luka mhlaka 31 Ntulikazi.
Umiswe phambi kukamantshi we Filabusi uMnumzana Mzingaye Moyo esetheswa icala lokubhidliza impahla mahlayana .
UMtshutshisi uMnumzana Smart Tafireyi uthi ngalelolanga, uMasango ucele ukubona ikepesi yomkhankaso eyayigqokwe ngomunye umsekeli we Zanu PF ongaqanjwanga igama owayesuka e -Avoca esiya eFilabusi.
UMasango ubikwa wathi esethethe leyokepesi waqala ngokuzama ukuphala akhiphe umfanekiso kaMongameli Robert Mugabe.
Umthethwandaba uthi uMasango uthe ehluleke ukukhipha lowomfanekiso waseyidabula ikepesi yomlandeli we Zanu PF, yena owafika wamangala emapholiseni eFilabusi, okuyilapho abotshwe khona umsolwa.
Ephendula umtshutshisi, uMasango uzivikele esithi kwakungesinjongo yakhe ukuyidabula ikepesi yomkhankaso we Zanu PF kodwa wayezama ukukhipha umfanekiso kaMongameli Mugabe ukuze awunamathisele kweyakhe ikepesi.
Kodwa umthethwandaba uthe lokho akungeke kube yisizatho sokwenza icala elinje wamgwebela ukuhlala entolongweni inyanga ezimbili loba ukuhlawula i $150. UMasango ukhethe ukuhlawulela icala lakhe.
Ukubotshwa kukaMasango kuza ngemva kombiko okhutshwe yinhlanganiso ye Zimbabwe Lawyers for Human Rights yona ethi sebengamatshumi amathathu lasikhombisa abalandeli bamacele omabili eMDC asebebotshelwe amacala aphathelane lokudabula imifanekiso yomkhankaso kaMugabe.
Linhlanganiso ithi abanengi balaba bantu betheswa amacala ngaphansi kuka Section 152 lo 153 we Electoral Act.
Ithi inengi labantu asebebotshwelwe amacala angaphansi kwe Electoral Act base Mashonaland Central kanye le Matabeleland North.
Izincwadi zomthethwandaba ezitholwe yi Studio 7 ziveza ukuba uMnumzana Bothile Masango, ongukhondakitha wenkampani yamabhasi ye Bafana Bus Services, ubotshwe sekusele insukwana ukuthi kufike ukhetho luka mhlaka 31 Ntulikazi.
Umiswe phambi kukamantshi we Filabusi uMnumzana Mzingaye Moyo esetheswa icala lokubhidliza impahla mahlayana .
UMtshutshisi uMnumzana Smart Tafireyi uthi ngalelolanga, uMasango ucele ukubona ikepesi yomkhankaso eyayigqokwe ngomunye umsekeli we Zanu PF ongaqanjwanga igama owayesuka e -Avoca esiya eFilabusi.
UMasango ubikwa wathi esethethe leyokepesi waqala ngokuzama ukuphala akhiphe umfanekiso kaMongameli Robert Mugabe.
Umthethwandaba uthi uMasango uthe ehluleke ukukhipha lowomfanekiso waseyidabula ikepesi yomlandeli we Zanu PF, yena owafika wamangala emapholiseni eFilabusi, okuyilapho abotshwe khona umsolwa.
Ephendula umtshutshisi, uMasango uzivikele esithi kwakungesinjongo yakhe ukuyidabula ikepesi yomkhankaso we Zanu PF kodwa wayezama ukukhipha umfanekiso kaMongameli Mugabe ukuze awunamathisele kweyakhe ikepesi.
Kodwa umthethwandaba uthe lokho akungeke kube yisizatho sokwenza icala elinje wamgwebela ukuhlala entolongweni inyanga ezimbili loba ukuhlawula i $150. UMasango ukhethe ukuhlawulela icala lakhe.
Ukubotshwa kukaMasango kuza ngemva kombiko okhutshwe yinhlanganiso ye Zimbabwe Lawyers for Human Rights yona ethi sebengamatshumi amathathu lasikhombisa abalandeli bamacele omabili eMDC asebebotshelwe amacala aphathelane lokudabula imifanekiso yomkhankaso kaMugabe.
Linhlanganiso ithi abanengi balaba bantu betheswa amacala ngaphansi kuka Section 152 lo 153 we Electoral Act.
Ithi inengi labantu asebebotshwelwe amacala angaphansi kwe Electoral Act base Mashonaland Central kanye le Matabeleland North.