WASHINGTON DC —
Lanxa idolobho lePlumtree lingenisa imali enengi kakhulu esikhwameni sikahulumende ngokuba semngceleni lelizwe leBotswana, idolobho leli lisalela muva kunhlelo kwezentuthuko.
Lelidolobho liqakathekile kwezokuthengiselana phakathi kweZimbabwe lamanye amazwe njalo izimota zingena ngenkulungwane nsuku zonke zivela emazweni agoqela eleBotswana, eleNamibia kanye leleSouth Africa.
Ezinengi zalezizimota ngamaroli ayabe ethwele impahla etshiyeneyo ethengiswayo eyabe ingena kumbe iphuma elizweni isiya kwamanye amazwe.
Phezu kwalokhu, idolobho leplumtree lilesiporo esiphuma kweleBotswana esingaletha intuthuko enkulu alubana uhulumende ethe waqakathekisa lelidolobho isipori lesi sasebenza ngokugcweleyo.
Izakhamizi zakulelidolobho zithi njalo intuthuko ingeza alubana uhulumende ethe wasebenzisa imali etholakala emgceleni weBotswana lePlumtree ukwakha lokuvuselela lelidolobho.
IBeitbridge ngelinye lalo idolobho elilethela ilizwe imali enengi engena kumgcwele weMusina, kodwa lubhuqu lodwa akulantuthuko enzakalayo ebambekayo.
Ozancintisa kukhetho oluzayo ePlumtree edinga ukuba ngukhansila kaWard One, okugoqela iMathendele, iMadubes, iGasavu leSoluwezi, uMnu Diliza Mangoye Dlamini okuMDC ekhokhelwa nguMnu Welshman Ncube uthi engakhethwa uzazama ukuletha inguquko kulelidolobho.
"Ingcekeza ephuma ezambuzini zabantu ludubo olukhulu kulelidolobho, impompi zakhona zezizindala amanzi ayantshantshaza yonke indawo kuyanuka," kutsho uMnu Dlamini.
"Okunye futhi engingathi kudingakala ukuthi kukhangelwe zindaba zabatsha, abatsha abanakelelwanga lapha batshona nje bebhoda akulandawo zokuzilibazisa. Abatsha laba ngitsho ikakhulu intanga ye-primary school kanye lama-teenagers."
Lelidolobho liqakathekile kwezokuthengiselana phakathi kweZimbabwe lamanye amazwe njalo izimota zingena ngenkulungwane nsuku zonke zivela emazweni agoqela eleBotswana, eleNamibia kanye leleSouth Africa.
Ezinengi zalezizimota ngamaroli ayabe ethwele impahla etshiyeneyo ethengiswayo eyabe ingena kumbe iphuma elizweni isiya kwamanye amazwe.
Phezu kwalokhu, idolobho leplumtree lilesiporo esiphuma kweleBotswana esingaletha intuthuko enkulu alubana uhulumende ethe waqakathekisa lelidolobho isipori lesi sasebenza ngokugcweleyo.
Izakhamizi zakulelidolobho zithi njalo intuthuko ingeza alubana uhulumende ethe wasebenzisa imali etholakala emgceleni weBotswana lePlumtree ukwakha lokuvuselela lelidolobho.
IBeitbridge ngelinye lalo idolobho elilethela ilizwe imali enengi engena kumgcwele weMusina, kodwa lubhuqu lodwa akulantuthuko enzakalayo ebambekayo.
Ozancintisa kukhetho oluzayo ePlumtree edinga ukuba ngukhansila kaWard One, okugoqela iMathendele, iMadubes, iGasavu leSoluwezi, uMnu Diliza Mangoye Dlamini okuMDC ekhokhelwa nguMnu Welshman Ncube uthi engakhethwa uzazama ukuletha inguquko kulelidolobho.
"Ingcekeza ephuma ezambuzini zabantu ludubo olukhulu kulelidolobho, impompi zakhona zezizindala amanzi ayantshantshaza yonke indawo kuyanuka," kutsho uMnu Dlamini.
"Okunye futhi engingathi kudingakala ukuthi kukhangelwe zindaba zabatsha, abatsha abanakelelwanga lapha batshona nje bebhoda akulandawo zokuzilibazisa. Abatsha laba ngitsho ikakhulu intanga ye-primary school kanye lama-teenagers."