WASHINGTON —
Ibandla le MDC elikhokhelwa nguMnu. Morgan Tsvangirai eMashonaland West lithi likhweze isikhalazo kuStanding Committee yalelibandla ngoLwesithathu ukuthi inqume kudaba lokuthi isiphathamandla salelibandla uMnu. Ian Kay amiswe ukuba lilunga okwesikhatshana ngenxa yamazwi akhe awokuthi uMnu. Tsvangirai kufanele akhitshwe ekukhokheleni lelibandla.
Isikhulumi salelibandla eMashonaland West uMnu. Graham Nyahanda uthi isigaba sakhe sinqume ukuthi uMnu. Kay amiswe ukusebenza kulelibandla okweminyaka emihlanu.
UMnu. Kay utshele iStudio 7 ukuthi uyakwazi ngaloludaba njalo kalandaba lalesi sinqumo njalo uzaqhubeka esebenzela ibandla lakhe. I—Standing Committee ilamandla okuvuma kumbe ukwala izinqumo ezithathwa ngamalunga azo ezigabeni ezitshiyeneyo zelizwe.
Ngakwelinye icele, ibandla leli lithi selisemaphethelweni okuhluza udaba lwamakhansila alo angalandelanga isinqumo seMDC-T ngesikhathi sokhetho olusanda ukwedlula olokudinga omayor lamakhansila emadolobheni.
UMnu. Joel Gabhuza, umsekeli wesikhulumi salelibandla utshele uSithandekile Mhlanga weStudio 7 ukuthi i-MDC-T isalindele isinqumo samakhansila hatshi esika Mnu. Kay ngoba ikhomithi ye National Executive yalelibandla ilokhu ingaka lubikwela loludaba.
Isikhulumi salelibandla eMashonaland West uMnu. Graham Nyahanda uthi isigaba sakhe sinqume ukuthi uMnu. Kay amiswe ukusebenza kulelibandla okweminyaka emihlanu.
UMnu. Kay utshele iStudio 7 ukuthi uyakwazi ngaloludaba njalo kalandaba lalesi sinqumo njalo uzaqhubeka esebenzela ibandla lakhe. I—Standing Committee ilamandla okuvuma kumbe ukwala izinqumo ezithathwa ngamalunga azo ezigabeni ezitshiyeneyo zelizwe.
Ngakwelinye icele, ibandla leli lithi selisemaphethelweni okuhluza udaba lwamakhansila alo angalandelanga isinqumo seMDC-T ngesikhathi sokhetho olusanda ukwedlula olokudinga omayor lamakhansila emadolobheni.
UMnu. Joel Gabhuza, umsekeli wesikhulumi salelibandla utshele uSithandekile Mhlanga weStudio 7 ukuthi i-MDC-T isalindele isinqumo samakhansila hatshi esika Mnu. Kay ngoba ikhomithi ye National Executive yalelibandla ilokhu ingaka lubikwela loludaba.
