HARARE —
Umphathintambo ehofisini kamongameli ebona ngedolobho le Harare enguMfundisi njalo ebandleni le Kingdom Church ellikhokhelwa yisizalwane sakwele Kenya uBishop Climate Irungu, unkosikazi Mirriam Chikukwa uvuke ubhova phezu kodaba lwentathelizindaba athi ziloba indaba zamanga,waveza ukuba akayi kuyekela inkokheli zamazwe angentshonalanga zihlasela umongameli Robert Mugabe loba inkokheli zokholo eZimbabwe.
Esethula umbiko wakhe wokuqgiba umhlangano wohlangothi lwe Zimbabwe Tourism Authority lentathelizindaba lamuhla phezu kohlelo lukahulumende lokukhankasela ukuthuthukiswa ezokholo kundaba zokwethekelelana,u Chikukwa wethusele intathelizindaba ukuba zizajeziswa kabuhlungu nxa zingaqhubeka zibhala kubi ngendaba zenkokheli zokholo.
UChikukwa obethukuthele ngesikhathi esethula lumbiko lamuhla, emahofisini alolu hlangothi eJohn Boyen House eHarare, uveze ukuba akesabi lutho ekuphatheni umsebenzi wakhe.
Uthi akayikuyekela abakwamanye amazwe behlambaza umongameli Robert Mugabe amchaze njengomkhokheli owabekwa ngunkulunkulu.
Uyafunga uChikukwa ukuthi lanxa lawo mazwe angaqhubeka ebekela inkokheli lohulumende izijeziso zomnotho lokho akuyi kwenqabela eleZimbabwe ukufeza imisebenzi yentuthuko.
Umpathintambo wezokwethekelelana elizweni, umnumzana Walter Muzembi utshele intathelizindaba ukuba injongo kahulumende ngeyokukhuthaza abezokholo ukuba bakhe izakhiwo ezizaphathisa abakwamanye amazwe abeza kulezondawo ukuzakhonza loba ukungena imihlangano okulakho ukuthuthukisa inhlangothi ezinengi kubhizimusi, uhulumende athole imadlana ngendlela yemithelo.
Sekuzamele abamabandla ezokholo bazikhethele ukuyabhalisa baziwe nguhulumende nxa befuna ukuphatheka kulolu hlelo kuveza uMzembi.
Kodwa ugcizelele ukuba uhulumende akayikuthelisa abezokholo laba kumali abazinikezwa njengoncedo, eyomnikelo loba yokulitshumi ekhulwini-10 % ehlawulwa ngabazalwane nyanga zonke.
U Muzembi uveze ukuba umkhokheli webandla le Kingdom Miracle Church usekwethekeleleni kweleZimbabwe ngokunxunswa nguhulumende weZimbabwe ukuzakhankasela ukuthuthukiswa kwezokholo, ukuze eminye yemisebenzi iphathwe njengebhizimusi okuzaphathisa ukusungulwa kwemisebenzi uhulumende athole imali ngendlela yomthelo.
Abezokholo baphatheka emibuthanweni eminengi ngakho uMuzembi uthi kuqakathekile ukuba uhulumende aphathise ngokwaneleyo, zibe khona indawo zokuhlala lokudlela ngaleso sikhathi belemihlangano.
Uthi indawo eziqakathekiswa ngabokholo zingathuthukiswa, zilakho ukungena emikhankasweni yokukhuthaza abezokholo ukuba baphatheke emisebenzini yezokwethekelelana, kuzaphathisa kuntuthuko yomnotho. Lezi ngezibalisa eye Mutemwa esigabeni seMutoko, i-Mbungo eBikita, i-Benard Mizeki eMarondera, Johane Marange koMutare, Celebration Centre eHarare kanye lendlu yokukhonzela ese Chitungwiza yebandla lokholo elikhokhelwa nguMfundisi Emmanuel Makandiwa.
Esethula umbiko wakhe wokuqgiba umhlangano wohlangothi lwe Zimbabwe Tourism Authority lentathelizindaba lamuhla phezu kohlelo lukahulumende lokukhankasela ukuthuthukiswa ezokholo kundaba zokwethekelelana,u Chikukwa wethusele intathelizindaba ukuba zizajeziswa kabuhlungu nxa zingaqhubeka zibhala kubi ngendaba zenkokheli zokholo.
UChikukwa obethukuthele ngesikhathi esethula lumbiko lamuhla, emahofisini alolu hlangothi eJohn Boyen House eHarare, uveze ukuba akesabi lutho ekuphatheni umsebenzi wakhe.
Uthi akayikuyekela abakwamanye amazwe behlambaza umongameli Robert Mugabe amchaze njengomkhokheli owabekwa ngunkulunkulu.
Uyafunga uChikukwa ukuthi lanxa lawo mazwe angaqhubeka ebekela inkokheli lohulumende izijeziso zomnotho lokho akuyi kwenqabela eleZimbabwe ukufeza imisebenzi yentuthuko.
Umpathintambo wezokwethekelelana elizweni, umnumzana Walter Muzembi utshele intathelizindaba ukuba injongo kahulumende ngeyokukhuthaza abezokholo ukuba bakhe izakhiwo ezizaphathisa abakwamanye amazwe abeza kulezondawo ukuzakhonza loba ukungena imihlangano okulakho ukuthuthukisa inhlangothi ezinengi kubhizimusi, uhulumende athole imadlana ngendlela yemithelo.
Sekuzamele abamabandla ezokholo bazikhethele ukuyabhalisa baziwe nguhulumende nxa befuna ukuphatheka kulolu hlelo kuveza uMzembi.
Kodwa ugcizelele ukuba uhulumende akayikuthelisa abezokholo laba kumali abazinikezwa njengoncedo, eyomnikelo loba yokulitshumi ekhulwini-10 % ehlawulwa ngabazalwane nyanga zonke.
U Muzembi uveze ukuba umkhokheli webandla le Kingdom Miracle Church usekwethekeleleni kweleZimbabwe ngokunxunswa nguhulumende weZimbabwe ukuzakhankasela ukuthuthukiswa kwezokholo, ukuze eminye yemisebenzi iphathwe njengebhizimusi okuzaphathisa ukusungulwa kwemisebenzi uhulumende athole imali ngendlela yomthelo.
Abezokholo baphatheka emibuthanweni eminengi ngakho uMuzembi uthi kuqakathekile ukuba uhulumende aphathise ngokwaneleyo, zibe khona indawo zokuhlala lokudlela ngaleso sikhathi belemihlangano.
Uthi indawo eziqakathekiswa ngabokholo zingathuthukiswa, zilakho ukungena emikhankasweni yokukhuthaza abezokholo ukuba baphatheke emisebenzini yezokwethekelelana, kuzaphathisa kuntuthuko yomnotho. Lezi ngezibalisa eye Mutemwa esigabeni seMutoko, i-Mbungo eBikita, i-Benard Mizeki eMarondera, Johane Marange koMutare, Celebration Centre eHarare kanye lendlu yokukhonzela ese Chitungwiza yebandla lokholo elikhokhelwa nguMfundisi Emmanuel Makandiwa.