Abavela eZimbabwe abalamaphepha ayebavumela ukuhlala lokusebenza eSouth Africa awe Zimbabwe Exemption Permits bathi kufanele uhulumende walelolizwe achasisele ezinye ingatsha zakhe isinqumo asesithethe esokuthi bengabotshwa njalo bengaxotshwa kulelolizwe kungakapheli wonalo umnyaka.
Ugatsha olubona ngokwenzakala ekhaya kwele South Africa selikubeke ngokusemthethweni kugwalo lweGazette ukuthi abasebenzisa amaphepha la bengathintwa ngabezomthetho kungakafiki umhlaka 31 kuMpalakazi njalo bengaphuma kumbe bengene elizweni santando.
Amaphepha la acine ukusebenza ngomnyaka odluleyo njalo uhulumende we South Africa uthi kasoze engezelele iminyaka yokuthi eqhubeke esebenza. Unikeze abantu umnyaka ukuthi bedinge amanye amaphepha abapha imvumo yokusebenza kumbe ukufunda kulelolizwe ngokusemthethweni.
Asizweni isiphathamandla senhlangansio ye Zimbabwe Community in South Africa uMnu. Ngqabutho Mabhena esichasisela ngaloludaba.
