Uhulumende useqalisile ukwaba imithi yama vaccines eyokwenqabela ukumemetheka kwegcikwane leCOVID 19, njalo izigaba zelizwe ezibalisa iBulawayo, Masvingo, Mashonaland West, leBulawayo ziyithole ngoLwesihlanu, kwathi iMatabeleland South yemukela limithi ngoLwesine.
Uhlelo lolu lusungulwe ngoLwesine lapho umsekeli kamongameli uMnu. Constantino Chiwenga ahlatshwe khona ijekiseni le eyeSINOPHARM, esanda ukuvela eChina, ekhuthaza abantu ukuthi bethathe inyathelo elifanayo.
Umongameli Mnangagwa ubikwa esithi ilizwe leIndia selithembise ukunikeza eleZimbabwe eminye njalo imithi yokuvikela iCOVID 19.
Kodwa uMnu. Anthony Majongosi, isikhulumeli senhlanganiso elwela amalungelo abongi labongikazi eye Zimbabwe Nurses Association esibhedlela se United Bulawayo Hospitals, uthi abakatholi ulwazi olweneleyo ngeekiseni le lokuthi bazahlatshwa njani.
