HARARE —
Umphathintambo wezokwakhiwa lokuthuthukiswa kwezabelo uDr Ignatious Chombo usebike ngohlelo lokubhidliza izakhiwo ezingekho emthethweni ilizwe lonke, ethi luzaqala e Chitungwiza Municipality kanye lako Seke phansi kwe Manyame Rural Distric Council kumaviki amabili azayo.
UChombo utshele intathelizindaba, inkokheli zengatsha zikahulumende kanye lezinduna, emhlanganweni owenzelwe emahofisini akhe eMakombe, ukuba wethula lumbiko elandela imithetho yelizwe emnika lawo mandla.
Ubeka omanisipala umlandu uChombo,wokungalandeli imithetho eqondisa ukusebenza kwabo kundaba zokwakha, eminyakeni emihlanu edluleyo ngesikhathi uhulumende womanyano ebusa,okubalisa owe Urban Councils Act Chapter 29:15,owe Rural District Councils Act Chapter 29:13 kanye lowe Regional Town and Country Planning Acts.
Uqhubeke ethi ukuqala izabelo ezibalisa e Chitungwisa lako Seke kuza ngoba sekuvumbuluke udaba oluveza ukuba abantu benikezwa izithanda mahlayana zokwakha kulezi ndawo.
UChombo uthi uhulumende akayikuhlala nje abukele into zisonakala,yikho esesungule loluhlelo lokubhidlisa izakhiwo ezakhiwe okungekho emthethweni emadolobheni lemaphandleni.
Ngakho uzulu owathola indawo zokwakha okungekho emthethweni uxwayiswa ukuba ame ukuqhubeka khona manje ngoba engaqinisa ikhanda uzazisola.
Uveze njalo, ukuba ugatsha lwakhe selubumbe icommittee yengcwethi ezizakhokhelwa ngumsekeli wogatsha lwakhe, umnumzana Biggy Matiza, ngenjongo yokuluhluzisisa loludaba, kuvele sobala,okwenzakalayo ezigabeni zombili lezi.
Izakhamizi zeChitungwiza zikhathazekile phezu kwalembiko kaChombo zithi sezikhunjuzwa izehlakalo zohlelo lokubhidlizwa kwezakhiwo okwenziwa ngo 2005 olweMurambatsvina lapho uzulu adubeka khona watshazwa ngumqando njengoba lwaqhutshwa ngesikhathi sebusika.
Umnumzana Njabulo Jamela ungomunye wezakhamizi e St Mary’s eChitungwiza.UJamela uthi lanxa kuyindlela elungile kahulumende ukubhidliza lezi zakhiwo ezingekho emthethweni ngabe uqala alungisele labo bantu lapho abangabeka khona amakhanda kuqala anduba aqhube loluhlelo.
Isimanga yikuba abakha endaweni ezingavunyelwayo benza njalo ngoba bevunyelwe zinkokheli zikahulumende munye kuveza u Jamela.
Uzulu wakulezindawo uyanxunswa emihlanganweni ezakuqhutshwa yile committee ezaqala emzini weChitungwiza mhlaka 6 Lwezi endaweni ezimbili.
Le ngezibalisa ozakwenzelwa e Seke North lapho uzulu akhuthazwa ukuba azephathisa leliqula elikhokhelwa nguMatiza, oqala ngo 9:30 ekuseni. Emini iqula leli lizakuyahlangana lozulu e Seke South ngo12 emini.
Iphinde ibe khona njalo imhlangano efanayo, ehleliweyo ukuba ingenwe,e Manyame Rural District Council mhla ka 15 Lwezi.
Owakuqala uzakwenzelwa ku ward 1 njalo uqale ngo 9:30 ekuseni kuthi owesibili ungenwe ngo 12:00 emini ku Ward 8.
UChombo utshele intathelizindaba, inkokheli zengatsha zikahulumende kanye lezinduna, emhlanganweni owenzelwe emahofisini akhe eMakombe, ukuba wethula lumbiko elandela imithetho yelizwe emnika lawo mandla.
Ubeka omanisipala umlandu uChombo,wokungalandeli imithetho eqondisa ukusebenza kwabo kundaba zokwakha, eminyakeni emihlanu edluleyo ngesikhathi uhulumende womanyano ebusa,okubalisa owe Urban Councils Act Chapter 29:15,owe Rural District Councils Act Chapter 29:13 kanye lowe Regional Town and Country Planning Acts.
Uqhubeke ethi ukuqala izabelo ezibalisa e Chitungwisa lako Seke kuza ngoba sekuvumbuluke udaba oluveza ukuba abantu benikezwa izithanda mahlayana zokwakha kulezi ndawo.
UChombo uthi uhulumende akayikuhlala nje abukele into zisonakala,yikho esesungule loluhlelo lokubhidlisa izakhiwo ezakhiwe okungekho emthethweni emadolobheni lemaphandleni.
Ngakho uzulu owathola indawo zokwakha okungekho emthethweni uxwayiswa ukuba ame ukuqhubeka khona manje ngoba engaqinisa ikhanda uzazisola.
Uveze njalo, ukuba ugatsha lwakhe selubumbe icommittee yengcwethi ezizakhokhelwa ngumsekeli wogatsha lwakhe, umnumzana Biggy Matiza, ngenjongo yokuluhluzisisa loludaba, kuvele sobala,okwenzakalayo ezigabeni zombili lezi.
Izakhamizi zeChitungwiza zikhathazekile phezu kwalembiko kaChombo zithi sezikhunjuzwa izehlakalo zohlelo lokubhidlizwa kwezakhiwo okwenziwa ngo 2005 olweMurambatsvina lapho uzulu adubeka khona watshazwa ngumqando njengoba lwaqhutshwa ngesikhathi sebusika.
Umnumzana Njabulo Jamela ungomunye wezakhamizi e St Mary’s eChitungwiza.UJamela uthi lanxa kuyindlela elungile kahulumende ukubhidliza lezi zakhiwo ezingekho emthethweni ngabe uqala alungisele labo bantu lapho abangabeka khona amakhanda kuqala anduba aqhube loluhlelo.
Isimanga yikuba abakha endaweni ezingavunyelwayo benza njalo ngoba bevunyelwe zinkokheli zikahulumende munye kuveza u Jamela.
Uzulu wakulezindawo uyanxunswa emihlanganweni ezakuqhutshwa yile committee ezaqala emzini weChitungwiza mhlaka 6 Lwezi endaweni ezimbili.
Le ngezibalisa ozakwenzelwa e Seke North lapho uzulu akhuthazwa ukuba azephathisa leliqula elikhokhelwa nguMatiza, oqala ngo 9:30 ekuseni. Emini iqula leli lizakuyahlangana lozulu e Seke South ngo12 emini.
Iphinde ibe khona njalo imhlangano efanayo, ehleliweyo ukuba ingenwe,e Manyame Rural District Council mhla ka 15 Lwezi.
Owakuqala uzakwenzelwa ku ward 1 njalo uqale ngo 9:30 ekuseni kuthi owesibili ungenwe ngo 12:00 emini ku Ward 8.