WASHINGTON DC —
Uhulumende usexwayise amalunga ebandla le Mthwakazi Republic Party ukuthi engaqhubeka ephazamisa imihlangano yekhomishini ebona ngezokukhumisana umlotha, eye National Peace and Reconcilliation Commission, bazajeziswa.
Amalunga ebandla leli asephazamise imihlangano yali khomisheni emibili esithi kayiqoqwanga kahle ngoba ilelunga elilodwa nje kuphela elikhuluma isindebele phakathi kwamalunga ayisithupha.
Umphathintambo wezenzakala ekhaya, uMnu. Obert Mpofu utshele iphephandaba le The Herald ukuthi sesifikile isikhathi sokuthi amalunga alelibandla atshiyane lomkhuba wokuphazamisa imihlangano ngoba bezajeziswa.