Abongi abanengi bakhanya besamukela inyathelo lokuphiwa izitanda kodwa belokuthandabuza besithi lokhu yikubengezelela kunhlupho abavele bebhekane lazo, ngabe phela ubanika lezo zithanda ngaphandle kwembadalo.
Umnunzana Anthony Majongosi omele abongi bakoBulawayo ugcizelela kulokho.
“Indaba leyi yama stands ekhulunywa yi government inhle kodwa amastands lawa abantu bazawabhadalela njalo ukuthi i SSB izathatha kuma salaries abantu ukuthi kubhadalwe imali leyana. Njalo ama stands kodwa imali siyayifuna futhi ayikwani ukuthi bengathatha siyasala island njalo siyabona ukuthi izinto sezikwelile zonke.”
Isikhulumi sabodokotela, uDokotela Mthulisi Bhebhe uthi yisimanga ukuthi uhulumende akhulume ngokwezithanda wona umumo ezibhedlela lokhe ungakalungisiswa.
“Akula zistand esizaziyo eziphiwa odokotela asikwezwa inews zonalezo asikwazi ukuthi zikhulunywe mbani, njalo isimo ezibhedlela lokhe sifanana akula bodokotela iminyango ivaliwe izigulane ziyabiselwa ezindlini.”
Unkosikazi Nodumo Ndlovu ongumongi uthi udaba lwezitanda baluzwile kodwa abala siqiniseko kumbe yindlela yokuthi bathathelwe imali.
‘‘Udaba lwezistand siluzwile kakhulu asikwazi ukuthi yinto yeqiniso kumbe yindlela yokuthi basithathele imali. Ukuthi zikhona but asazi mina angila kukholwa ukuthi sibili ngani yindlela yokuthi sithathelwe imali.’’
Unkosikazi Mildred Nyoni oyisigulane esivele emaphandleni uthi lokhu kungamanga kuhle ezibhedlela.
“Ukuswelakala kwabodokotela empilo kusithwalisa nzima mina ngisuka esibhedlela seNkayi kuthiwe ngizodinga usizo, kangisasizakalanga sengibuyela futhi ekhaya kungela lutho uncedo engilutholileyo kanti manje kuyaphetha ngani odokotela bengekho sithini kuma njani sicela kubelabodokotela.”
Ngeviki edluleyo umphathintambo wezempilakahle umnumzana Obadiah Moyo wethule umbiko othi odokotela labongi bazanikezwa indawo zokuhlala njalo abongi sebeqalile ukubhalisa ukuze bathole lezo ndawo. Le ngenye yemizamo kahulumende eyokulungisisa izikhalazo zabodokotela ezokukhwezelwa iholo.
Uhulumende uphakathi kokuxoxisana labezempilakahle ukuthi abaphe indawo zokwakha izindlu, lapha azabe ehlephuna imali yakhe kancane kuholo. Okuludaba olukhanya lungaphathi kuhle izisebenzi zempilakahle ezikhanya zithandabuza, zisithi nxa zizaphinda zicutshelwe eyinye imali, kuholo elivele lingeneli, pho zizasala lani?
