Umphathintambo wezemali, uMnu. Patrick Chinamasa uthi izisebenzi zakhe zonke zizathola iholo elengezelelweyo elebonus kusiyaphela inyanga yonale.
UChinamasa wazise ukuba ukungabhadali iholo ngesikhathi njengokuthembisa kukahulumende kubangelwe yikungamanga kahle komnotho welizwe.
Amatitshala labakubotho lesipholisa baphiwe iholo ngeviki edluleyo okubangele ukuthi ezinye izisebenzi zakhe, ikakhulu abongi labongikazi bathembise ukuthi nxa bengatholanga ibonus namhla bazakhalala umsebenzi ngoMvulo.
Sikhuluma nje abongi labongikazi besebekhalale umsebenzi ngokusebenza kancance esibhedlela se Parirenyatwa le Harare Central, igo slow ngesilungu kusukela ngoLwesithathu.
Kodwa umgcinisihlalo wenhlanganiso ye Zimbabwe Nurses Assocaition, iZINA, esigabeni seMatabeleland South, uMnu. Morgan Dube uthi umbiko abawuthole kunkokheli ese Harare ngethi akusela kutshengisela okuzenziwa ngoba uhulumende esethembise ukubapha imali ye bonus.
