HARARE —
Uhulumende uphawule okusemthethweni uhlelo lokukhankasela ukuvinjwa kokudlwengulwa kwabantwana olwe Campaign Against Rape and Child Abuse. Emkhosini munye kuphawulwe njalo impumela yenhlolisiso phezu kwendlela abasakhulayo abaphila ngayo, olwe National Baseline Survey On Life Experiences of Adolescents Report lapho inkokheli zamalunga edale labasakhulayo i Junior Parliament benikeze incwadi yezikhalazo ezikhuthaza ukwethulwa kwemithetho yokuphatha ngayo indaba zokuhlukuluzwa kwabantwana ukuze ihambelane.
Emkhosini wokuphawula lezinhlelo zombili owenzelwe e Africa Unity Square e Harare lamuhla, umphathintambo wogatsha lwabesifazana, unkosikzazi Oppa Muchinguri utshele inkulungwane zabantu ukuba okudanisayo edabeni lokudlwengulwa kanye lokuhlukuluza kwabantwana yikuthi kwenziwa yizihlobo zalaba bantwana.
UMuchinguri uveze njalo ukuba luyingozi enkuluka loludubo lokuhlukuluzwa kwabantwana olungaqonga ngamandla nxa uzulu lenkokheli bangaluyekelela.
Okhokhela uhlangothi lwamapholisa oluphathisana labantwana ngesikhathi bedlwenguliwe loba behlukuluziwe i Victim Friendly Unit, uAssistant Commissioner Isabel Sergio utshele umbuthano lo ukuba kabasavikelekanga abantwana kungaba semakhaya loba emphakathini.
U Seigio thembise ukuba sekuyamele wonke osesipholiseni afundiswe phezu kokuphatha indaba zokudlwengulwa kwabantwana ngoba lilokhe liqansa inani labahlukuluzwayo.
Inkokheli ze Junior Parliament zithethe lelithuba ukunikeza uhulumende incwadi yezikhalazo phezu kodubo lokudlwengulwa kanye lokuhlukuluzwa kwabantwana eZimbabwe.
Osakhulayo engu,Junior Minister wogatsha lwabesifazana kuhulumende wabantwana u Fadzai Muchina uveze ukuba njengabantwana, bakhankasela ukujeziswa kanzima kwabatholakala belomlandu wokudlwengula abantwana ngesikhathi enikeza lincwadi kuNkosikazi Muchinguri.
Uhulumende, inhlanganiso ezilwela ilungelo labantwana, inhlanganiso ezikumanyano wenhlanganiso zamazwe omhlaba i United Nations kanye labo abantwana ngokwabo bakhuthaza uzulu ukuba aveze ububi, atsho lapho kudalwe icala laloluhlobo, ehlukane lomkhuba wokuzithulela lalapho esazi ukuba zikhona izehlakalo zokudlwengulwa kwabantwana.
Lanxa abantwana abangabafana bebikwa labo behlangana lezehlakalo zokudlwengulwa lokuhlukuluzwa, balinani eliphansi kulamantombazana.
Emkhosini wokuphawula lezinhlelo zombili owenzelwe e Africa Unity Square e Harare lamuhla, umphathintambo wogatsha lwabesifazana, unkosikzazi Oppa Muchinguri utshele inkulungwane zabantu ukuba okudanisayo edabeni lokudlwengulwa kanye lokuhlukuluza kwabantwana yikuthi kwenziwa yizihlobo zalaba bantwana.
UMuchinguri uveze njalo ukuba luyingozi enkuluka loludubo lokuhlukuluzwa kwabantwana olungaqonga ngamandla nxa uzulu lenkokheli bangaluyekelela.
Okhokhela uhlangothi lwamapholisa oluphathisana labantwana ngesikhathi bedlwenguliwe loba behlukuluziwe i Victim Friendly Unit, uAssistant Commissioner Isabel Sergio utshele umbuthano lo ukuba kabasavikelekanga abantwana kungaba semakhaya loba emphakathini.
U Seigio thembise ukuba sekuyamele wonke osesipholiseni afundiswe phezu kokuphatha indaba zokudlwengulwa kwabantwana ngoba lilokhe liqansa inani labahlukuluzwayo.
Inkokheli ze Junior Parliament zithethe lelithuba ukunikeza uhulumende incwadi yezikhalazo phezu kodubo lokudlwengulwa kanye lokuhlukuluzwa kwabantwana eZimbabwe.
Osakhulayo engu,Junior Minister wogatsha lwabesifazana kuhulumende wabantwana u Fadzai Muchina uveze ukuba njengabantwana, bakhankasela ukujeziswa kanzima kwabatholakala belomlandu wokudlwengula abantwana ngesikhathi enikeza lincwadi kuNkosikazi Muchinguri.
Uhulumende, inhlanganiso ezilwela ilungelo labantwana, inhlanganiso ezikumanyano wenhlanganiso zamazwe omhlaba i United Nations kanye labo abantwana ngokwabo bakhuthaza uzulu ukuba aveze ububi, atsho lapho kudalwe icala laloluhlobo, ehlukane lomkhuba wokuzithulela lalapho esazi ukuba zikhona izehlakalo zokudlwengulwa kwabantwana.
Lanxa abantwana abangabafana bebikwa labo behlangana lezehlakalo zokudlwengulwa lokuhlukuluzwa, balinani eliphansi kulamantombazana.