Abalwela ilungelo loluntu sebekhuthaze uhulumende ukuthi abophe ziqine ekulwisaneni lokumemetheka kwegcikwane leCoronavirus elizweni, eselihlasele abantu abedlula inkulungwane elamakhulu amathathu 1, 357, labulala abalitshumi lasitshiyagalolunye 19, ngelanga eliloldwa eledluleyo.
Embikweni owethulwe ngoLwesine ugatsha lwezempilakahle luthi lokhu sokukhuphule inani labantu asebahlaselwa yileligcikwane selokhe laqhamukayo ngomnyaka odluleyo laya kunkulungwane ezedlula amakhulu amahlanu 51, 221 labulala abafika phose inkulungwane ezimbili 1, 808.
Inani lasebehlatshwe ijekiseni yokwenqabela leligcikwane selisedlula amakhulu azinkulungwane eziyisikhombisa 782, 698.
Uhulumende ubikwa esithi uzasebenzisa imali edlula izigidi ezingamatshumi ayisikhombisa-70 million dollars ukuthenga ijekiseni le.
Ukuhlaziya loludaba, sixoxe loMnu. Effie Dlela Ncube, isiphathamandla senhlanganiso efundisa abantu ngeCOVID 19.
