HARARE —
Ingcwethi kwezomnotho ziveza ukuba kuqakathekile ukuthi uhulumende akhulumisane lenhlangothi zonke kuqala, ngesikhathi elungiselela ukuyangena umhlangano ozangenwa ngamazwe womhlaba wezokuthengiselana owesitshiyagalolunye wabaphathintambo we 9th World Trade Organisation Ministerial Conference ozakwenzelwa edolobheni le Bali e Indonesia.
Lokhu kuvezwe zingcwethi kwezomnotho ebezisemhlanganweni oqoqwe ngabenhlanganiso yezamabhizimusi i-Zimbabwe National Chamber of Commerce ( ZNCC ) bemanyane labe Southern and Eastern African Trade, Information and Negotiations Institute ( SEATIN ), owenzelwe eweteleni ye Holiday Inn eHarare, lamuhla ekuseni ngnjongo yokubonisana ngamacebo lokuhlaziya phezu kwemibono kundaba zamabhizimusi uhulumende angaphathiswa ngayo.
Lezingcwethi ziveze ukuba eleZimbabwe ngelinye lamazwe ambalwa awezwekazi le Africa avuma ukulobelana phansi kuzivumelwano zokuthengiselana phakathi kwamazwe omhlaba ngaphansi kwezigoqela eze Economic Partnerships Agreement ( EPA ). Zikuveze sobala lezingcwethi ukuba lanxa zingani zizihle izivumelwano zaloluhlobo, zivame ukuphathisa kakhulu amazwe asethuthukile.
Ngakho zithi kuqakathekile ke ukuba inkokheli labazangena lumhlangano, baphathiswe ngamacebo langemibono ezakuyakwethulwa kulomhlangano ozakwenzelwa kwele Indonesia ngenyang’ezayo kaMpalakazi.
Omunye walezingcwethi kwezomnotho u Dr Albert Makochekanwa uthi zinengi izizatho ezenza amazwe okubalisa eleZimbabwe bangene kuzivumelwano ezaziwa ngokuthi ngama Economic Partnerships Agreement ( EPA ) lanxa kusobala ukuba ziletha inkinga ezinengi emazweni athuthukayo.
Umnumzana Zoao Zangaroti osebenza lozulu utshele intathelizindaba ukuba kuyinto edanisayo ukuba uhulumende akazihluphi ukuzwa okuvela kulabo abamela uzulu ngesikhathi engena kuzivumelwano okufana lese EPA.
Kuthi unobhala jikelele enhlanganisweni emela abaphila ngokuthengisa abakuthenga kwamanye amazwe i Zimbabwe Cross Border Traders Association, umnumzana Agustine Tawanda yena ukhala ngokuba kababuzwa njengenhlanganiso ukuba baphathise labo lapho uhulumende esiyangena imihlangano okufana lalowo ozakwenzelwa e Bali kwezokuthengiselana.
Umhlangano walamuhla ongenwe ngabameli abavele kunhlangothi ezehlukeneyo,wenziwe ngenjongo yokubonisana ukuba angaphathiswa kanjani uhulumende ngamacebo azakuyakwethula emhlanganweni we World Trade Ministerial.
Ziyakhalaza lezingcwethi ezingene lumhlangano zithi imihlangano ephuma kumibuthano efana lowe WTO ivame ukuphathisa kakhulu amazwe asethuthukile, kungekho okungenziwa ngamazwe asathuthukayo ngoba ebekelwa imigoqo embalwa kundaba zokuthengiselana.
Lokhu kuvezwe zingcwethi kwezomnotho ebezisemhlanganweni oqoqwe ngabenhlanganiso yezamabhizimusi i-Zimbabwe National Chamber of Commerce ( ZNCC ) bemanyane labe Southern and Eastern African Trade, Information and Negotiations Institute ( SEATIN ), owenzelwe eweteleni ye Holiday Inn eHarare, lamuhla ekuseni ngnjongo yokubonisana ngamacebo lokuhlaziya phezu kwemibono kundaba zamabhizimusi uhulumende angaphathiswa ngayo.
Lezingcwethi ziveze ukuba eleZimbabwe ngelinye lamazwe ambalwa awezwekazi le Africa avuma ukulobelana phansi kuzivumelwano zokuthengiselana phakathi kwamazwe omhlaba ngaphansi kwezigoqela eze Economic Partnerships Agreement ( EPA ). Zikuveze sobala lezingcwethi ukuba lanxa zingani zizihle izivumelwano zaloluhlobo, zivame ukuphathisa kakhulu amazwe asethuthukile.
Ngakho zithi kuqakathekile ke ukuba inkokheli labazangena lumhlangano, baphathiswe ngamacebo langemibono ezakuyakwethulwa kulomhlangano ozakwenzelwa kwele Indonesia ngenyang’ezayo kaMpalakazi.
Omunye walezingcwethi kwezomnotho u Dr Albert Makochekanwa uthi zinengi izizatho ezenza amazwe okubalisa eleZimbabwe bangene kuzivumelwano ezaziwa ngokuthi ngama Economic Partnerships Agreement ( EPA ) lanxa kusobala ukuba ziletha inkinga ezinengi emazweni athuthukayo.
Umnumzana Zoao Zangaroti osebenza lozulu utshele intathelizindaba ukuba kuyinto edanisayo ukuba uhulumende akazihluphi ukuzwa okuvela kulabo abamela uzulu ngesikhathi engena kuzivumelwano okufana lese EPA.
Kuthi unobhala jikelele enhlanganisweni emela abaphila ngokuthengisa abakuthenga kwamanye amazwe i Zimbabwe Cross Border Traders Association, umnumzana Agustine Tawanda yena ukhala ngokuba kababuzwa njengenhlanganiso ukuba baphathise labo lapho uhulumende esiyangena imihlangano okufana lalowo ozakwenzelwa e Bali kwezokuthengiselana.
Umhlangano walamuhla ongenwe ngabameli abavele kunhlangothi ezehlukeneyo,wenziwe ngenjongo yokubonisana ukuba angaphathiswa kanjani uhulumende ngamacebo azakuyakwethula emhlanganweni we World Trade Ministerial.
Ziyakhalaza lezingcwethi ezingene lumhlangano zithi imihlangano ephuma kumibuthano efana lowe WTO ivame ukuphathisa kakhulu amazwe asethuthukile, kungekho okungenziwa ngamazwe asathuthukayo ngoba ebekelwa imigoqo embalwa kundaba zokuthengiselana.