Abaphikisayo Zimbabwe bathi ukukhahlanyezwa kwabo kuveza ukuba uhulumende kaMongameli Emerson Mnangagwa wesaba uzulu.
Bathi uhulumende kaMnangagwa wephula ilungelo loluntu okwedlula okwakusenziwa ngowayengumongameli umuyi uRobert Mugabe owasuswa esikhundleni libutho ngomnyaka ka2017.
Kulabaphikisayo abavalelwe eRemand Prison okuthiwa babefuna ukutshengisela ngesikhathi kuqhutshwa umhlangano weSADC Summit eHarare.
Kulabanye njalo abathi uhulumende ubathwalise nzima kulezinsuku loba umhlangano lo sowaqhutshwa eZimbabwe.
Ukuhlaziya udaba lolu, sixoxe loMnu. Nhlanhla Moses Ncube, unobhala jikelele wenhlanganiso yeFreedom Alliance, othe uhulumende kaMnangagwa kazithembi ngakho-ke wephula santando ilungelo likazulu.
Sixoxe njalo loMnu. Kuda Munsaka okubandla leZanu PF lakunhlanganiso yeForever Associates Zimbabwe yena othi akumangalisi ukubotshwa kwabacatshangelwa ukuthi bephula imithetho eZimbabwe.
Forum