NgoLwesibili bekulilanga lokucina lezizalwane ze Zimbabwe ezafaka izicelo zokuphiwa amaphepaha okuhlala lokusebenza okusemthethweni kwele South Africa ukuthi ezingawatholanga ziwaphiwe.
Ngenyanga kaNhlangula uhulumende wele South Africa wazisa ukuthi kulezizalwane ze Zimbabwe ezifika phose inkulungwane ezingamakhulu amathathu ezalobisa ukuthola incwadi lezi.
Kodwa ezingamakhulu amahlanu lambili kaziwatholanga ngezizatho ezitshiyeneyo ezibalisa amacala, ukungaloba kuhle incwadi lezi lokunye.
Ukuhlolisiswa kwabantu laba yikho okwabangela ukuthi loluhlelo luqhutshelwe phambili ngoba bonke laba bantu bengakatholi incwadi lezi.
Kodwa ngokwehluleka kukahulumende ukuthi aphe bonke abadinga amaphepha la usengezelele loluhlelo ngamaviki amabili.
Nxa bengathola incwadi lezi zizahlala okweminyaka emithathu lapho loluhlelo oluzagqitshwa khona, okuzadingakala ukuthi umuntu aphindele ekhaya.
IStudio 7 ixoxe lomgcinisihlalo wenhlanganiso ye Zimbabweans Living in South Africa uMnu. Nqbutho Nicholas Mabhena ochasisa kabanzi ngalolu daba lwamapermits
“Loluhlelo belumele lugqitshwe namhla kodwa uhulumende usethe kuzamele ilanga lokucina lidluliselwe phambili,” kutsho uMabhena.
