BULAWAYO —
Uhlangothi oluqhatsha izisebenzi zikahulumende olwe Pubic Service Commission solunqume ukuba ugatsha lwezemfundo luxotshe umsebenzi uMnumzana Leagang Garfield Makwati ongumbalisi kulandela ukuphatheka kwakhe kukhetho lapho ancintise efuna ukuba ngummeli weGwanda South ephalamende emele icele le MDC elikhokhelwa nguMnu. Welshman Ncube.
UMnu. Makwati ngomunye wabancintise okhethweni olumanyeneyo olusanda kwedlula emele icele le MDC elikhokhelwa nguMnumzana Welshman Ncube esigabeni se Gwanda South.
Ungomunye njalo wababemele lelibandla abanqotshwe kabuhlungu. UMukwati unqotshwe nguMnumzana Abednico Ncube, yena osekhethwe ukuba ngumphathintambo kahulumende okhangele ngentuthuko ye zansi kweMandebeleni.
Lanxa enqotshwe okuyangisayo njengabanye abalelibandla, uMnumzana Makwati usemisiwe umsebenzi yi Public Service Commission yona ethi wazi kahle ukuthi wavela wazixotsha emsebenzini ngelanga esiyabhalisa ku Nomination Court ukuthi uzamela iMDC kukhetho engacelanga imvumo yokwenza lokho kumqhatshi wakhe.
Ngemva kokhetho, uMnumzana Makwati ubuyele emsebenzini mhla izikolo zivulwa kodwa incwadi elotshwe ngesinye isiphathamandla se Public Service Commission eGwanda esizichaze njengoMnumzana B. Chimoto isiya kumphathi wezemfundo eGwanda uMnumzana Job Ncube iqondisa ukuthi uMakwati angabe esavunyelwa ukuya emsebenzini wakhe e Gwanda Government Secondary School.
Lincwadi ithi uMakwati uyazi ukuthi wakhetha ukuphatheka kukhetho engacelanga imvumo kumqhatshi wakhe njalo ngokwenza lokho wazixotsha emsebenzini kusukela mhla esiya emthethwandaba esiyaziveza njengozamela iMDC kusihlalo sephalamende se Gwanda South.
UChimoto uthi oka Makwati wahle watshiya umsebenzi ngelanga avunyelwa ngalo ngumthethwandaba owawusamukela izincwadi zabo bonke ababefuna ukuncintisa kukhetho bemele amabandla atshiyeneyo.
Uthi ngalokhu, umphathi we Gwanda Government Secondary School kumele angamvumeli uMakwati esiza emsebenzini ngoba akaseyiso siqhatshwa sikahulumende.
Leyoncwadi ixwayisa uMakwati ukuthi njengazo zonke izisebenzi zikahulumende ezancintisa kukhetho olusanda kwedlula, angalobela ku PSC acele ukuqhatshwa kutsha uma esafuna ukuqhubeka esebenza njengombalisi.
UMnu. Makwati ngomunye wabancintise okhethweni olumanyeneyo olusanda kwedlula emele icele le MDC elikhokhelwa nguMnumzana Welshman Ncube esigabeni se Gwanda South.
Ungomunye njalo wababemele lelibandla abanqotshwe kabuhlungu. UMukwati unqotshwe nguMnumzana Abednico Ncube, yena osekhethwe ukuba ngumphathintambo kahulumende okhangele ngentuthuko ye zansi kweMandebeleni.
Lanxa enqotshwe okuyangisayo njengabanye abalelibandla, uMnumzana Makwati usemisiwe umsebenzi yi Public Service Commission yona ethi wazi kahle ukuthi wavela wazixotsha emsebenzini ngelanga esiyabhalisa ku Nomination Court ukuthi uzamela iMDC kukhetho engacelanga imvumo yokwenza lokho kumqhatshi wakhe.
Ngemva kokhetho, uMnumzana Makwati ubuyele emsebenzini mhla izikolo zivulwa kodwa incwadi elotshwe ngesinye isiphathamandla se Public Service Commission eGwanda esizichaze njengoMnumzana B. Chimoto isiya kumphathi wezemfundo eGwanda uMnumzana Job Ncube iqondisa ukuthi uMakwati angabe esavunyelwa ukuya emsebenzini wakhe e Gwanda Government Secondary School.
Lincwadi ithi uMakwati uyazi ukuthi wakhetha ukuphatheka kukhetho engacelanga imvumo kumqhatshi wakhe njalo ngokwenza lokho wazixotsha emsebenzini kusukela mhla esiya emthethwandaba esiyaziveza njengozamela iMDC kusihlalo sephalamende se Gwanda South.
UChimoto uthi oka Makwati wahle watshiya umsebenzi ngelanga avunyelwa ngalo ngumthethwandaba owawusamukela izincwadi zabo bonke ababefuna ukuncintisa kukhetho bemele amabandla atshiyeneyo.
Uthi ngalokhu, umphathi we Gwanda Government Secondary School kumele angamvumeli uMakwati esiza emsebenzini ngoba akaseyiso siqhatshwa sikahulumende.
Leyoncwadi ixwayisa uMakwati ukuthi njengazo zonke izisebenzi zikahulumende ezancintisa kukhetho olusanda kwedlula, angalobela ku PSC acele ukuqhatshwa kutsha uma esafuna ukuqhubeka esebenza njengombalisi.