WASHINGTON DC —
Udaba lweholo lezisebenzi zomsakazo we ZBC seludale inkulumo uzulu lenhlanganiso ezitshiyeneyo besithi kumele kukhangelwe iholo leziphathamandla zamankampani kahulumende.
Loludaba luqhamuke ngemva kokuba umsekeli womphathintambo wokwethulwa kwembiko, uMnu. Supa Mandiwanzira etshele ikhomidi ebona ngokuqutshwa kwembiko edale lephalamende ukuthi umqondisi weZBC, uMnu. Happison Muchechetere ubehola inkulungwane ezingamatshumi amane ngenyanga, $40 000.
Lokhu kusenzakala izisebenzi zalumsakazo ezihola amadolla angamakhulu amathathu ngenyanga sezilenyanga ezedlula eziyisithupha zingaholi. Inhlanganiso ezinengi ezigoqela iCombined Harare Residents Association le MDC zithi kumele uMuchechetere abotshwe.
UMandiwanzira namhla utshele iStudio 7 ukuthi ezinye iziphathamandla ze ZBC lazo bezithola imali enengi kakhulu kodwa uthe kangeke wachaza imali le.
UChris Gande weStudio 7 uxoxe lengcwethi ecubungula ezenotho yelizwe, uMnu. Rejoice Ngwenya othi iZanu PF isihlamukela uMuchechetere onguye owaphathisa lelibandla ukuthi linqobe kukhetho ngokwethula imbiko yalelibandla sonke isikhathi phambilini kokhetho.
Loludaba luqhamuke ngemva kokuba umsekeli womphathintambo wokwethulwa kwembiko, uMnu. Supa Mandiwanzira etshele ikhomidi ebona ngokuqutshwa kwembiko edale lephalamende ukuthi umqondisi weZBC, uMnu. Happison Muchechetere ubehola inkulungwane ezingamatshumi amane ngenyanga, $40 000.
Lokhu kusenzakala izisebenzi zalumsakazo ezihola amadolla angamakhulu amathathu ngenyanga sezilenyanga ezedlula eziyisithupha zingaholi. Inhlanganiso ezinengi ezigoqela iCombined Harare Residents Association le MDC zithi kumele uMuchechetere abotshwe.
UMandiwanzira namhla utshele iStudio 7 ukuthi ezinye iziphathamandla ze ZBC lazo bezithola imali enengi kakhulu kodwa uthe kangeke wachaza imali le.
UChris Gande weStudio 7 uxoxe lengcwethi ecubungula ezenotho yelizwe, uMnu. Rejoice Ngwenya othi iZanu PF isihlamukela uMuchechetere onguye owaphathisa lelibandla ukuthi linqobe kukhetho ngokwethula imbiko yalelibandla sonke isikhathi phambilini kokhetho.
