WASHINGTON DC —
Udaba lokuba uMnu. Morgan Tsvangirai asuke esikhundleni sokukhokhela icele leMDC luqhubeka lusidla ubhudu kulelibandla kulandela imbono eyethulwe ngomela umuzi weWarren Park edale lephalamende, uMnu. Elias Mudzuri eyobukhokheli bebandla.
UMudzuri wethule imbono yakhe kuphephandaba le The Standard lapho aphe khona imcijo eminhlanu engenza lelibandla linqobe kukhetho oluzayo.
Owakuqala ongowokuthi kuyekelwe inkokheli ekhona phansi kuka Tsvangirai iqhubeka. Owesibili ngothi kwenziwe umhlangano we Congress owesiphangiphangi kukhethwe inkokheli entsha. Umbono wesithathu ngothi uTsvangirai leinye inkokheli yebandla ekhona manje iqhubeke.
Owesine ngothi uTsvangirai adedele omunye isikhundla yena abe ngutata waleli bandla njengomnumzana Nelson Mandela aseyikho ebandleni leANC.
Owesihlanu ngowokuthi ongafuniyo ibandla ayekele kumbe ayengena kwelinye ibandla. Icele leMDC leli libe lomhlangano ngoLwesithathu owedale le National Council lapho okuxoxiswane ngendaba ezitshiyeneyo ezigoqela udaba lukaMudzuri.
Kubikwa kuvunyelenwe ukuthi umgcinisihlalo webandla, uMnu. Lovemore Moyo athathe amanyathelo okujezisa uMudzuri ngoba eyitshukele ebandla. Kodwa uMoyo utshele iStudio 7 ukuthi lindaba isaseluhlaza okokuthi kangeke akhulume ngayo.
UChris Gande weStudio 7 uxoxe lengcwethi ecubungula ezombusazwe, uMnu. Dumisani Nyongolo Nkomo othi kumele udaba lwenkokheli lukhulunywe kungela kutshaya inja kufihlwa umphini.
UMudzuri wethule imbono yakhe kuphephandaba le The Standard lapho aphe khona imcijo eminhlanu engenza lelibandla linqobe kukhetho oluzayo.
Owakuqala ongowokuthi kuyekelwe inkokheli ekhona phansi kuka Tsvangirai iqhubeka. Owesibili ngothi kwenziwe umhlangano we Congress owesiphangiphangi kukhethwe inkokheli entsha. Umbono wesithathu ngothi uTsvangirai leinye inkokheli yebandla ekhona manje iqhubeke.
Owesine ngothi uTsvangirai adedele omunye isikhundla yena abe ngutata waleli bandla njengomnumzana Nelson Mandela aseyikho ebandleni leANC.
Owesihlanu ngowokuthi ongafuniyo ibandla ayekele kumbe ayengena kwelinye ibandla. Icele leMDC leli libe lomhlangano ngoLwesithathu owedale le National Council lapho okuxoxiswane ngendaba ezitshiyeneyo ezigoqela udaba lukaMudzuri.
Kubikwa kuvunyelenwe ukuthi umgcinisihlalo webandla, uMnu. Lovemore Moyo athathe amanyathelo okujezisa uMudzuri ngoba eyitshukele ebandla. Kodwa uMoyo utshele iStudio 7 ukuthi lindaba isaseluhlaza okokuthi kangeke akhulume ngayo.
UChris Gande weStudio 7 uxoxe lengcwethi ecubungula ezombusazwe, uMnu. Dumisani Nyongolo Nkomo othi kumele udaba lwenkokheli lukhulunywe kungela kutshaya inja kufihlwa umphini.
