WASHINGTON DC —
Obe lilunga ledale lephalamende engowe Zanu-PF emela iGuruve South, Edward Chindori-Chininga, akasekho. Umuyi obhubhele engozini yemotha enzakale etshayela esigabeni abesimela, usinde kweinye ingozi yomgwaqo nyakenye yokunqikilana kwemotha abe hamba ngayo leinye emgwaqweni osuka eGuruve usiya eHarare.
Owake waba ngumpathintambo wezemigodi ube ngumgcinisihlalo wekhomidi ebona ngezenjiwayo kanye lokutholakala kwamandla kagetsi njalo wethule umbiko wokusola ukungaphathwa kuhle kwemlai esuka emsebenzini wokwenjiwa kwamatshe aligugu ama dayimana ngeviki edluleyo.
Osedume ngokuphumisa indaba zomdeni zebandla leZanu PF ebulenjini beFacebook uBaba Jukwa, olabalandeli abazinkulungwane ezilikhulu lamatshumi edlula amahlanu- 157,000 uke wayiphatha indaba yokuthi uChininga sebemqophile abantu bebandla lakhe kanye lamapholisa asebenza nsitha aweCIO ngoba enakanelwa ukuthi uthengisa imfihlo yebandla.
Amapholisa akakakhiphi umbiko ngokuphathelane lale imfa loba iziphathamandla zeZanu-PF.
Kodwa iphephandaba likahulumende ele The Herald libika ukuba umuyi uhle wafela khonapho okwenzakale ingozi ngemva kokwehluleka ukuma kwemotha yakhe yatshaya isihlahla lapho okuhlangana imigwaqo esuka eRaffingora leMvurwi.
Leliphephandaba liphinde labika ukuba isikhulumeli samapholisa eMashonaland Central Police Traffic, uSuperintendent Ephraim Nyakata uthi lingozi yenzakale ngoLwesithathu ntambama kodwa akathandanga ukuchasisa okunengi.
Umuyi obeseleminyaka engamatshumi amahlanu lathobaminwembili usebenze njengompathintambo wezemigodi ngomnyaka ka 2000 kusiya ku 2004. Wake wasebenza njalo njengomqondisi weZimbabwe Tourist Development (Southern Africa) wazoba ngumqondisi wamawofisi abona ngezokwethekelelana awe Zimbabwe Tourism eNew York eMelika.
Owake waba ngumpathintambo wezemigodi ube ngumgcinisihlalo wekhomidi ebona ngezenjiwayo kanye lokutholakala kwamandla kagetsi njalo wethule umbiko wokusola ukungaphathwa kuhle kwemlai esuka emsebenzini wokwenjiwa kwamatshe aligugu ama dayimana ngeviki edluleyo.
Osedume ngokuphumisa indaba zomdeni zebandla leZanu PF ebulenjini beFacebook uBaba Jukwa, olabalandeli abazinkulungwane ezilikhulu lamatshumi edlula amahlanu- 157,000 uke wayiphatha indaba yokuthi uChininga sebemqophile abantu bebandla lakhe kanye lamapholisa asebenza nsitha aweCIO ngoba enakanelwa ukuthi uthengisa imfihlo yebandla.
Amapholisa akakakhiphi umbiko ngokuphathelane lale imfa loba iziphathamandla zeZanu-PF.
Kodwa iphephandaba likahulumende ele The Herald libika ukuba umuyi uhle wafela khonapho okwenzakale ingozi ngemva kokwehluleka ukuma kwemotha yakhe yatshaya isihlahla lapho okuhlangana imigwaqo esuka eRaffingora leMvurwi.
Leliphephandaba liphinde labika ukuba isikhulumeli samapholisa eMashonaland Central Police Traffic, uSuperintendent Ephraim Nyakata uthi lingozi yenzakale ngoLwesithathu ntambama kodwa akathandanga ukuchasisa okunengi.
Umuyi obeseleminyaka engamatshumi amahlanu lathobaminwembili usebenze njengompathintambo wezemigodi ngomnyaka ka 2000 kusiya ku 2004. Wake wasebenza njalo njengomqondisi weZimbabwe Tourist Development (Southern Africa) wazoba ngumqondisi wamawofisi abona ngezokwethekelelana awe Zimbabwe Tourism eNew York eMelika.