HARARE —
Inkokheli yamabandla akuhulumende womanyano, ezibalisa uMongameli Robert Mugabe, inhloko kahulumende uMnu Morgan Tsvangirayi kanye lo sikwicamfundo Welshman Ncube, zitshele umphathintambo wezemithetho uMnu Patrick Chinamasa ukuba akhiphe amaphepha abekade esewakhweze edale le-Constitutional Court ecela imvumo yokuba ludluliselwe phambili usuku lokhetho.
Lezinkokheli zamabandla akuhulumende womanyano zingene umhlangano wesiphangiphangi owenzelwe eState House ngoLwesithathu ngenjongo yokukhulumisana phezu kodaba lwamaphepha akhwezwe nguChinamasa ngoLwesithathu.
Inkokheli lezi zibikwa zivumelene ukuba kumele amabandla amathathu la asebenze ndawonye kuloludaba.
Amagqwetha amathathu abalisa uProffessor Welshman Ncube,uMnumzana Tendayi Biti, loMnumzana Patrick Chinamasa babikwa bezamele bahlale phansi, abonisane njalo avumelane kulokho okumele kube semaphepheni akhwezwa edale le Constitutional Court.
Lokhu kuza ngemva kokukhalaza kwamanye amabandla akuhulumende womanyano besola ukwenza kuka chinamasa owe Zanu PF ngokukhweza amaphepha edale engazange abonisane labanye bakhe njengalokho okutshiwo yilesi sivumelwano seGNU.
UChinamasa ukhweze udaba lokucela idale le Constitutional Court ukuba livumele uhulumende womanyano adlulisele phambili usuku lokhetho obeselunqunywe nguMugabe ukuba lwenziwe mhla ka 31 Ntulikazi.
Emhlanganweni obuphezu kodaba lweZimbabwe, owenzelwe e-Maputo kwele Mozambique ngempelaviki abe SADC baxwayise inkokheli ukuba zibuyele njalo edale zisiyacela imvumo yokuba ludluliselwe phambili usuku lokhetho ukuze kulungisiswe konke okwasalayo phansi kwesivumelwano sokubunjwa kukahulumende womanyano.
Amacele eMDC womabili avumelene ukuba ugqitshwe kuqala umsebenzi wokulungisisa lokho okuseleyo okugoqela ukuguqulwa kwemithetho enjene POSA lowe AIPPA anduba kuyiwe kukhetho.
Lezinkokheli zamabandla akuhulumende womanyano zingene umhlangano wesiphangiphangi owenzelwe eState House ngoLwesithathu ngenjongo yokukhulumisana phezu kodaba lwamaphepha akhwezwe nguChinamasa ngoLwesithathu.
Inkokheli lezi zibikwa zivumelene ukuba kumele amabandla amathathu la asebenze ndawonye kuloludaba.
Amagqwetha amathathu abalisa uProffessor Welshman Ncube,uMnumzana Tendayi Biti, loMnumzana Patrick Chinamasa babikwa bezamele bahlale phansi, abonisane njalo avumelane kulokho okumele kube semaphepheni akhwezwa edale le Constitutional Court.
Lokhu kuza ngemva kokukhalaza kwamanye amabandla akuhulumende womanyano besola ukwenza kuka chinamasa owe Zanu PF ngokukhweza amaphepha edale engazange abonisane labanye bakhe njengalokho okutshiwo yilesi sivumelwano seGNU.
UChinamasa ukhweze udaba lokucela idale le Constitutional Court ukuba livumele uhulumende womanyano adlulisele phambili usuku lokhetho obeselunqunywe nguMugabe ukuba lwenziwe mhla ka 31 Ntulikazi.
Emhlanganweni obuphezu kodaba lweZimbabwe, owenzelwe e-Maputo kwele Mozambique ngempelaviki abe SADC baxwayise inkokheli ukuba zibuyele njalo edale zisiyacela imvumo yokuba ludluliselwe phambili usuku lokhetho ukuze kulungisiswe konke okwasalayo phansi kwesivumelwano sokubunjwa kukahulumende womanyano.
Amacele eMDC womabili avumelene ukuba ugqitshwe kuqala umsebenzi wokulungisisa lokho okuseleyo okugoqela ukuguqulwa kwemithetho enjene POSA lowe AIPPA anduba kuyiwe kukhetho.
