UMongameli Joe Biden uzahlangana labakhokheli bebandla lakhe elamaDemocrats edale lePhalemande kanye labosibalukhulu bezabelo ntambama namuhla ngesikhathi lisanda inani leziphathamandla zebandla lakhe ezithi kumele adedele umuntu omutsha ozancintisana loMnu Donald Trump kukhetho lukaMongameli ngoba yena eseluphele.
UMnu Lloyd Doggett, omela isigaba seTexas ePhalamende ube lilunga lamaDemocrats elakuqala ukuphumela egcekeni izolo exwayisa uBiden ukuthi ehle esihlalweni ngoba ekuvezile sobala ukuthi kaselamandla kungxoxompikiswane ayenze loTrump ngeviki edluleyo.
Kodwa yena uthi usalawo amandla okuqhubeka enguMongameli okweminye iminyaka emine enganqoba kukhetho oluzaqhutshwa ngoLwezi.
Ukuhlaziya loludaba uNtungamili Nkomo weStudio 7 uxoxe locubungula ezombusazwe uMnu. Mthulisi Mathuthu othi kuyenzakala ukuba uBiden asuswe kufakwe omunye ozancintisana loTrump.
Forum