HARARE —
Umsebenzi wokubhalisa abantu ukuze bathole ilungelo lokuvota kukhetho osungulwe ngoMvulo ngabohlangothi olubona ngokubhaliswa kwabantu olukaRegistrar General olweMobile Registration uqubekele phambili kulenkinga ezithile kundawana ezitshiyeneyo zelizwe ngolweSibili.
Lumsebenzi usungule ngendlela edanise abanengi endaweni ezithile eHarare kugoqela lendawo ebhalisela abantu emahofisini ka maspala emzini we Waterfalls lapho abatsha abehluleke ukuthola ithuba lokuthatha izithupha becwayiswa ukuba beye emzini we Highfield okungumango omude ukusuka kulindawo ngoba izisebenzi zisithi azikatholi okudingakalayo ukuba ziqube lumsebenzi
Kantike uNkosikazi Jessy Zhou utshele lumsakazo ese Nyajena eMasvingo South ukuba abantu batshone belindele belommeli wabo edale lephalamende lama kansila abo batshona bengatholanga usizo oluzwayo.
Elinye ilunga le MDC-T eMarondera uMnumzana Fortune Kuche uthi ubhekane lobunzima ezama ukuthola isithupha:
Isikhulumeli se MDC-T uMnumzana Douglas Mwonzora laye uthi kukhanya konke lokhu kuyimizamo enzakala kwezombusazwe ukuvalela abantu abangabe bengasekeli ibandla elithile ukuba bengenelisi ukuphatheka kukhetho oluzayo:
Kulumsebenzi izizalwane ze Zimbabwe zinikezwa amathuba okubhalisa zisethekelelwa ngabamahofisi kahulumende aquba lumsebenzi kundawana abahleli kizo ama Mobile Registrars, kulungiselelwa ukhetho olumele lwenziwe lonyaka.
IStudio Seven ayenelisanga ukuthola iziphathamandla zehofisi kamabhalani jikelele welizwe akaRegistrar General ukuze zicasise kabanzi ngalezi nhlupho.
Lumsebenzi usungule ngendlela edanise abanengi endaweni ezithile eHarare kugoqela lendawo ebhalisela abantu emahofisini ka maspala emzini we Waterfalls lapho abatsha abehluleke ukuthola ithuba lokuthatha izithupha becwayiswa ukuba beye emzini we Highfield okungumango omude ukusuka kulindawo ngoba izisebenzi zisithi azikatholi okudingakalayo ukuba ziqube lumsebenzi
Kantike uNkosikazi Jessy Zhou utshele lumsakazo ese Nyajena eMasvingo South ukuba abantu batshone belindele belommeli wabo edale lephalamende lama kansila abo batshona bengatholanga usizo oluzwayo.
Elinye ilunga le MDC-T eMarondera uMnumzana Fortune Kuche uthi ubhekane lobunzima ezama ukuthola isithupha:
Isikhulumeli se MDC-T uMnumzana Douglas Mwonzora laye uthi kukhanya konke lokhu kuyimizamo enzakala kwezombusazwe ukuvalela abantu abangabe bengasekeli ibandla elithile ukuba bengenelisi ukuphatheka kukhetho oluzayo:
Kulumsebenzi izizalwane ze Zimbabwe zinikezwa amathuba okubhalisa zisethekelelwa ngabamahofisi kahulumende aquba lumsebenzi kundawana abahleli kizo ama Mobile Registrars, kulungiselelwa ukhetho olumele lwenziwe lonyaka.
IStudio Seven ayenelisanga ukuthola iziphathamandla zehofisi kamabhalani jikelele welizwe akaRegistrar General ukuze zicasise kabanzi ngalezi nhlupho.