WASHINGTON DC —
Umgcinisikhwama webandla leMDC-T, uMnu Roy Bennett uthi ulakho ukutshiya isikhundla sakhe nxa lelibandla lingangena kuhulumende weZanu PF.
Ekhuluma leStudio 7 ngoLwesihlanu, uBennet usole kakhulu ibandla lakhe esithi alisalandeli izimiso leziqondiso elabunjwa lijonge ukuzilandela.
Uthe amalunga ebandla lakhe kumele angayi edale lephalamende, esithi ukwenza lokhu yikubusisa ukunqoba kweZanu PF kukhetho iMDC-T ethi aluqhutshwanga ngemfanelo.
"Ibandla lethu akumelanga lingene kuhulumende, lalabo abanqobe kukhetho lokudinga amalunga ephalamende kabamelanga bahambe kulelidale," kutsho uMnu Bennett.
"Kuyadanisa ukubona ukuthi bakhona abanye kubandla lethu abakhanya sebekhohliwe ngenjongo yethu emqoka eyokumela izifiso zabantu lokulwela umbuso okhululekileyo.
"Osokusenziwa ngabanye yibugovu obusegcekeni, ikakhulu labo asebegijimela edale lephalamende belanda izimota lomholo endaweni yokuthi balwisane leZanu PF ngodaba lokudlelezela okwabakhona kukhetho."
UBennett uphinde wasola ubukhokheli bebandla lakhe esithi inengi likhulumisana laye kuphela nxa selidinga imali lokunye okokusebenzisa kubandla.
Ngaphandle kwalokho uthi abanengi abalandaba laye ngoba lanxa engaze ebafonele, abaphenduli incingo zakhe.
Ukuhlaziya loludaba sixhume ingcwethi kwezombusazwe uDr. Nkululeko Sibanda yena othe lanxa uMnu Bennett elomqondo, inkinga yakhe yikhuthi ufuna ibandla lilandele yiloba yini ayabe ekufuna yena..
Ekhuluma leStudio 7 ngoLwesihlanu, uBennet usole kakhulu ibandla lakhe esithi alisalandeli izimiso leziqondiso elabunjwa lijonge ukuzilandela.
Uthe amalunga ebandla lakhe kumele angayi edale lephalamende, esithi ukwenza lokhu yikubusisa ukunqoba kweZanu PF kukhetho iMDC-T ethi aluqhutshwanga ngemfanelo.
"Ibandla lethu akumelanga lingene kuhulumende, lalabo abanqobe kukhetho lokudinga amalunga ephalamende kabamelanga bahambe kulelidale," kutsho uMnu Bennett.
"Kuyadanisa ukubona ukuthi bakhona abanye kubandla lethu abakhanya sebekhohliwe ngenjongo yethu emqoka eyokumela izifiso zabantu lokulwela umbuso okhululekileyo.
"Osokusenziwa ngabanye yibugovu obusegcekeni, ikakhulu labo asebegijimela edale lephalamende belanda izimota lomholo endaweni yokuthi balwisane leZanu PF ngodaba lokudlelezela okwabakhona kukhetho."
UBennett uphinde wasola ubukhokheli bebandla lakhe esithi inengi likhulumisana laye kuphela nxa selidinga imali lokunye okokusebenzisa kubandla.
Ngaphandle kwalokho uthi abanengi abalandaba laye ngoba lanxa engaze ebafonele, abaphenduli incingo zakhe.
Ukuhlaziya loludaba sixhume ingcwethi kwezombusazwe uDr. Nkululeko Sibanda yena othe lanxa uMnu Bennett elomqondo, inkinga yakhe yikhuthi ufuna ibandla lilandele yiloba yini ayabe ekufuna yena..