Kuhlandla lwendaba eziphathelane lesimo sezombusazwe eZimbabwe iStudio 7 ilethulela ingxoxo loMnu. David Rhodi Takaruza webandla leTransform Zimbabwe.
UTakaruza oyisiphathamandla esibona ngokuqoqwa kwenhlelo zebandla uthi ibandla lakhe lifuna ukuthi umnotho welizwe uvuselelwe yizizalwane zeZimbabwe njalo ilizwe livuselele ubudlelwano lamanye amazwe.
Uyaqhubeka uTakaruza ethi kuyamangalisa okwenzakala elizweni njengoba umnotho usubhidlika okwethusayo kodwa kungela lutho olwenziwa yiZanu PF ukuwulungisisa. Ekhuthaza ukuthi kumele konke lokhu kulungiswe ukwenzela ukuthi osomabhizimusi bakwamanye amazwe bakhwabithe ukuzosungula amabhizimusi eZimbabwe.
Uphinde wathi uhlelo lokwabela uzulu amashares amankampani emazweni olwenziwa elizweni okwamanje kalulunganga njengoba luhluthuna umnotho wabamhlophe kanye labakwamanye amazwe.
