Umsakazo weStudio 7 uthakazelela iminyaka engamatshumi amabili lanye – 21 okusungulwa kwawo.
Kusukela mhlaka 7 Mabasa kusungulwa umsakazo weStudio 7 owawusakaza ingxenye yehola – imizuzu engamatshumi amabili ngeSiShona lemizuzu elitshumi ngeSiNdebele – uqhubekela phambili ulethulela indaba ezimqotho ngokwenzakala eZimbabwe. Sibonga inhlanganiso yeUnited States Agency for International Development eyasisekela ngalesos’ikhathi.
Abasakazi bakuqala kwakungumuyi uCarol Gombakomba loChampion Chigwedu ababesethula indaba zeSiShona kuthi-ke kucele leSiNdebele kwakulo Praxedes Jeremiah, Chris Gande loNjabulo Ncube ababesebenza bekwele Zimbabwe.
Wathuthuka umsakazo lo ngokuya kwesikhathi kwaze kwafika namhlanje lapho osusakaza ingxenye yehola ngeSiShona leyinye ingxenye yehola ngeSiNdebele.
Okwamanje umsakazo lo ulentathelizindaba ezingamatshumi amabili lanye – 21 emazweni agoqela eleZimbabwe, Botswana lakwele South Africa njalo lezisebenzi ezilitshumi lantathu – 13 esigodlweni somsakazo weVoice of America eWashington DC.
Okwamanje umhleli wohlelo lweSiNdebele nguPraxedes Jeremiah kuthi-ke uhlelo lweSiShona luphethwe nguBlessing Zulu. URay Choto ngumqondisi wenhlelo zomsakazo lo.
Sifisa ukubonga abalandeli bethu bonke abasisekela sonke isikhathi.
Forum