Kuhlelo lwezizalwane zeZimbabwe ezihlala emazweni, ngoLwesithathu sixoxe ngokubhekane lalabo abaseSouth Africa abangatholanga amaphepha okuhlala kulelo lizwe.
ISouth Africa yafaka uhlelo nyakenye olokuthi izizalwane zeZimbabwe ezathola amaphepha abizwa ngokuthi ngama special permits, zidinge kutsha imvumo yokuhlala kulelolizwe.
Bakhona abazama ukulungisa amaphepha abo behluleka osokusenza ukuthi besaba ukubiselwe kweleZimbabwe. Sebephila njengabonogwatsha ngenxa yokuthi babhalelwe incwadi zokuthi kumele baphume ngokutshetsha kulelolizwe.
Labo njalo abathola amaphepha la sebecebiswa ukuthi bayethola amaphepha abo kuhlangothi lukahulumende olubona ngokwenzakala elizweni.
UMnumzana Mthokozisi Ndiweni okuhlanganiso yeZimbabwe Special Permit Forum uthi inengi labantu abangalamaphepha okuhlala eSouth Africa kabalaso isifiso sokubuyela ekhaya.
