Inkulumo zomanyano phakathi kweMDC ekhokhelwa nguMnu Welshman Ncube leMDC Renewal sezimisiwe ngemva kokuba ibandla leRenewal lithe lisafuna ukulungisisa udaba lobukhokheli balo.
Embikweni ewethulele abasekeli bayo ngoLwesihlanu, iMDC kaNcube ithe lanxa kunjalo, izimisele ekuthini umanyano lo uphumelele.
IMDC ithi okwamanje izaphatheka ngokuqoqa ingatsha zayo lokudinga usekelo.
Amabandla womabili alobelane isivumelwano sokumanyana abe libandla linye nyakenye.
Kodwa kuvele sobala ukuthi uhlelo lolu lulakho ukutshabalala ngemva kokuba iRenewal iveze kumaviko edluleyo ukuthi izaqhuba umhlangano wayo weCongress izimele lanxa kwakuvunyelwene ukuthi amabandla womabili azakwenza iCongress endawonye.
Osiyazi bathi ingxaki ivela kuziphathamandla zeMDC Renewal ezingafuniyo ukuthi umanyano lo uphumelele.
Isikhulumeli seMDC kaNcube uMnu Joshua Mhambi usichasisela okunengi.
