Iwofisi ebona ngezijeziso zenotho eyeOffice of Foreign Assets Control ithi isikhupha engwalweni zemithetho konke okumayelana lezijeziso zenotho ezetheswa amankampani labantu beZimbabwe okwakuthiwa bephula ilungelo loluntu njalo bavimba ukuthi kungenziwa ukhetho ngemfanelo.
Umthetho obizwa ngokuthi yiZimbabwe Sanctions Regulations, owawumayelana lezijeziso zenotho ezafakwa kudala ezazisethulwa yiwofisi le, ulahlwa ngesikhathi uMongameli Joseph Biden wabikela uzulu ukuthi usumisiwe.
Kodwa lokhu akutsho ukuba abasanda kwetheswa izijeziso zenotho ngele Melika sebephunyukile ngoba lokhu bebhekane lazo. Bagoqela uMongameli Emmerson Mnangagwa, umkakhe uNkosikazi Auxilia Mnangagwa labanye abayisificamunwe munye.
Abantu laba kuthiwa bavimba ukuba kube lokhetho olubalulekileyo nyakenye eZimbabwe.
Kasenelisanga ukukhuluma ngodaba lolu leziphathamandla zikahulumende ebezingaphenduli omakhalekhukhwini.
Forum