WASHINGTON DC —
Udaba lokuthi ukhetho kumele lwenziwe uNtulikazi engakedluli luqhubeka lusemilonyeni kazulu njalo abanye sebeze bethatha amanyathelo okulukhweza emthethwandaba bedinga ukuthi ukhetho ludluliselwe phambili.
Kulesakhamuzi seHarare esikhweze amaphepha edale leConstitutional Court sicela ukuthi idale leli libambe ngamandla uMongameli Robert Mugabe ukuthi enze ukhetho uNtulikaze sedlule njalo sokulungiswe konke okudinga ukulungisiswa.
UMnu Nixon Nyikadzino, olilunga lenhlanganiso ezimeleyo eye Crisis in Zimbabwe Coalition, uhambise loludaba emthethwandaba ngoMvulo encediswa ngamagqwetha alwela ilungelo loluntu aweZimbabwe Lawyers for Human Rights.
IConstitutional Court inqume kunsukwana ezedluleyo ukuthi ukhetho kumele lwenziwe uNtulikazi engakedluli.
Umthethwandaba lo wethule isinqumo lesi ngemva kokuba ucelwe ngesinye isizalwane seZimbabwe uMnu Jealous Mawariwe ukuthi ubambe uMugabe ngamandla ukuthi enze ukhetho uNhlangula engakedluli.
NgoLwesihlanu isakhamusi sakoBulawayo uNkosazana Maria Phiri laye ukhweze amaphepha edale elifanayo esithi ukhetho akumelanga luqhutshwe ngoba kusakunengi okumele kwenziwe.
Ababili laba bathi uhulumende kumele aguqule imithetho elakho ukuvimba ukhetho olukhululekileyo njalo abone ukuthi yonke imithetho ekhona iyahambelana lesisekelo sombuso esitsha.
Akukaziwa ukuthi iConstitutional Court izahluza izicelo zababili laba nini. Kodwa umbuzo osemilonyeni yabanengi ngothi kambe singabona lelidale livumelana loPhiri loNyikadzino na.
"Uma iConstitutional Court ingalandela umthetho okhona njalo inanzelele ukuthi isisekelo sombuso lesi esitsha silethe ukuguquka okukhulu emithethweni eminengi emele iqale ilungiswe kungakabi lokhetho," kutsho igqwetha uMnu Lucas Nkomo.
"Kuyabe kumele lelidale livumelano lazo izicelo lezi, kodwa njengoba kuyiyo njalo inkundla elethe isinqumo sokuthi kubelokhetho kungakedluli umhlaka 31 Ntulikazi, kusuke kubenzima ukuthi sitsho ukuthi ingabuya itshibilike njalo yini linkundla."
Kulesakhamuzi seHarare esikhweze amaphepha edale leConstitutional Court sicela ukuthi idale leli libambe ngamandla uMongameli Robert Mugabe ukuthi enze ukhetho uNtulikaze sedlule njalo sokulungiswe konke okudinga ukulungisiswa.
UMnu Nixon Nyikadzino, olilunga lenhlanganiso ezimeleyo eye Crisis in Zimbabwe Coalition, uhambise loludaba emthethwandaba ngoMvulo encediswa ngamagqwetha alwela ilungelo loluntu aweZimbabwe Lawyers for Human Rights.
IConstitutional Court inqume kunsukwana ezedluleyo ukuthi ukhetho kumele lwenziwe uNtulikazi engakedluli.
Umthethwandaba lo wethule isinqumo lesi ngemva kokuba ucelwe ngesinye isizalwane seZimbabwe uMnu Jealous Mawariwe ukuthi ubambe uMugabe ngamandla ukuthi enze ukhetho uNhlangula engakedluli.
NgoLwesihlanu isakhamusi sakoBulawayo uNkosazana Maria Phiri laye ukhweze amaphepha edale elifanayo esithi ukhetho akumelanga luqhutshwe ngoba kusakunengi okumele kwenziwe.
Ababili laba bathi uhulumende kumele aguqule imithetho elakho ukuvimba ukhetho olukhululekileyo njalo abone ukuthi yonke imithetho ekhona iyahambelana lesisekelo sombuso esitsha.
Akukaziwa ukuthi iConstitutional Court izahluza izicelo zababili laba nini. Kodwa umbuzo osemilonyeni yabanengi ngothi kambe singabona lelidale livumelana loPhiri loNyikadzino na.
"Uma iConstitutional Court ingalandela umthetho okhona njalo inanzelele ukuthi isisekelo sombuso lesi esitsha silethe ukuguquka okukhulu emithethweni eminengi emele iqale ilungiswe kungakabi lokhetho," kutsho igqwetha uMnu Lucas Nkomo.
"Kuyabe kumele lelidale livumelano lazo izicelo lezi, kodwa njengoba kuyiyo njalo inkundla elethe isinqumo sokuthi kubelokhetho kungakedluli umhlaka 31 Ntulikazi, kusuke kubenzima ukuthi sitsho ukuthi ingabuya itshibilike njalo yini linkundla."