HARARE —
Seziqalile ukufika eZimbabwe inkokheli zenhlanganiso yomanyano wamazwe abensundu eye African Union, ukuzabona ukuqhutshwa kokhetho oluzakwenziwa mhla ka 31 Ntulikazi.
Okhokhela uhlangothi lwezomvikela enhlanganisweni yeAU uDr Aisha Abudullahi ufike ngoLwesibili emini kuthi umgcinisihlalo wale Commission uDr Nkosazana Dlamini Zuma yena ukhangelelwe ukufika ngoLwesithathu.
UDr Abudullahi oza ukuzabona ukuqhutshwa kokhetho okwakuqala eZimbabwe utshele intathelizindaba enkundleni ye ndizamtshina eHarare, ukuba kungumsebenzi wenhlanganiso yakhe ukuya emazweni akumanyano lo ukuyabona ukuqhutshwa kokhetho.
Uthi abenhlanganiso yakhe basuthisekile ngencazelo kampathintambo wezemithetho uMnumzana Patrick Chinamasa phezu kwesikhalazo esivele ebandleni le MDC ekhokhelwa nguMnumzana Morgan Tsvangirayi phezu kokungenela kwabezomvikela kwezombusazwe eZimbabwe. Uthi abenhlanganiso yakhe bakhangelele ukuba luqhutshwe ngokuthula lolukhetho.
Lezinkokheli ziza kulandelwa izinqumo ze- African Union ukuba babone ukuqhutshwa kakuhle kwalolukhetho kulandelwa iziqondiso ze- African Charter on Democracy, Elections and Governance, lezokuqhutshwa kokhetho eze African Union Declaration on the Principles Governing Democratic Elections in Africa kanye lezinqumo okumele zilandelwe ngesikhathi luqhutshwa ukhetho eze African Union Guidelines on Election Observation and Monitoring Missions.
Okhokhela uhlangothi lwezomvikela enhlanganisweni yeAU uDr Aisha Abudullahi ufike ngoLwesibili emini kuthi umgcinisihlalo wale Commission uDr Nkosazana Dlamini Zuma yena ukhangelelwe ukufika ngoLwesithathu.
UDr Abudullahi oza ukuzabona ukuqhutshwa kokhetho okwakuqala eZimbabwe utshele intathelizindaba enkundleni ye ndizamtshina eHarare, ukuba kungumsebenzi wenhlanganiso yakhe ukuya emazweni akumanyano lo ukuyabona ukuqhutshwa kokhetho.
Uthi abenhlanganiso yakhe basuthisekile ngencazelo kampathintambo wezemithetho uMnumzana Patrick Chinamasa phezu kwesikhalazo esivele ebandleni le MDC ekhokhelwa nguMnumzana Morgan Tsvangirayi phezu kokungenela kwabezomvikela kwezombusazwe eZimbabwe. Uthi abenhlanganiso yakhe bakhangelele ukuba luqhutshwe ngokuthula lolukhetho.
Lezinkokheli ziza kulandelwa izinqumo ze- African Union ukuba babone ukuqhutshwa kakuhle kwalolukhetho kulandelwa iziqondiso ze- African Charter on Democracy, Elections and Governance, lezokuqhutshwa kokhetho eze African Union Declaration on the Principles Governing Democratic Elections in Africa kanye lezinqumo okumele zilandelwe ngesikhathi luqhutshwa ukhetho eze African Union Guidelines on Election Observation and Monitoring Missions.