Imidlalo yenguqu eyenkezo yamazwe womhlaba eye2014 World Cup equtshelwa kwele Brazil isifika esigabeni sokucina, sama finals azadlalwa ngeSonto lapho ele Germany lizangqikilana lele Argentina.
Lokhu kulandela ukungqoba kwele Argentina elikwenze ele Netherlands izolo nge 4 ka 2 ngemva kokukhatshwa kwembekwa, ama penalty shootouts.
Amaqembu la adlale aze abhekana kungela elihlolileyo ngesikhathi esibekiweyo lesengezelelweyo, I extra time kungutshiki lobhanqa 0-0. Kwazokwenziwake imbekwa okulapho okucine ele Argentina linqobe nge4-2.
UChris Gande weStudio Seven uxoxe lomdlandeli wezenguqu, uCassius Jayz Simana Mpofu othi imdlalo ye World Cup yalonyaka ibilempumela ebingacatshangelwa.
