Izizalwane zeZimbabwe ezihlala kwele South Africa zibikwa zenelisile ukudindisa amaphepha azivumela ukuhlala kulelolizwe ngokusemthethweni, ngesikhathi uhulumende weSouth Africa egcizelela ukuthi ngoLwesithathu bekulilanga lokucina lokwenza lokhu njalo ongenelisanga usevalelwe phandle.
Umphathintambo obona ngokwenzakala elizweni kweleSouth Africa uMnu. Malusi Gigaba uthi abalobufakazi bokuthi besebeqalisile ukulungiselela ukudindisa amaphepha abo bazaqhubeka ngaloluhlelo kuze kuyephela inyanga ka Nhlolanja ngomnyaka ozayo.
UMnu. Ngqabutho Mabhena, isiphathamandla senhlanganiso elwela amalungelo ezizalwane zeZimbabwe eye Zimbabwe Community in South Africa, utshele uSithandekile Mhlanga weStudio 7 ukuthi kuyadanisa ukuthi abanengi abenelisanga ukungena kulolu uhlelo, okuzabangela ukuthi bexotshwe kulelolizwe.
